ဒါ ကိုယ်မျက်ရည်ကျတဲ့အခါတိုင်း ကိုယ့်ကိုယ်ကိုယ်ပြန်ပြီး သတိပေးပေးနေရတဲ့ စကားလုံးပေါ့ ကျွန်မ က အငိုသိပ့်သန်တာ ၊မျက်ရည်သိပ့်လွယ်တာ တစ်ခုခုဆို စိတ်ထဲ ထည့်ထားပြီး သတိရတိုင်း မျက်ရည်ဝဲတတ်တဲ့ ကောင်မလေးမျိုးလေ ။ ဒီတော့ အမြဲတမ်းကိုယ့်ကိုယ်ကိုယ်အားပေးနှစ်သိမ့်ရတယ်။ဘယ်သူကမှလာပြီး ဖေးမပေးတာမှ မဟုတ်ပဲလေ သိတယ်မလား ကိုယ်ဖြစ်ရင် ကိုယ်ပဲ ခံရမယ် ကိုယ်နာကျင်ရင် ကိုယ်ပဲ ကုစားရတာလေ ။ ဘယ်သူကမှ နာကျင်နေတာလား အုံဖွ ပျာက်ဆိုပြီး မမှုတ်ပေးဘူး ပြီးတော့ ဘယ်သူမှ ဖေးမ ပေးမှာ မဟုတ်ဘူး ။ အနာမြင်ရင် တုတ်နဲ့ ဆွမယ့်လူတွေချည်းရပ်နေခဲ့တာပါ ။ မှားတာမြင်ရင်...ပိုပိုသာသာလေး အပြစ်တင်တတ်ကြတာကလဲ သဘာဝပဲ ဖြစ်မှာပါ ။ အဲ့တော့ ကိုယ်ဖြစ်ရင် ကိုယ်ဟာ ကိုယ့်ရဲ့ ဒေါက်တာပဲ ဖြစ်လာတယ် ။ နားလည်မယ်အထင်နဲ့ တစ်ချိန်တုန်းက ကျွန်မ ငိူမိဖူးတယ်... ဒါပေမယ့် နားလည်မယ်ထင်တဲ့သူတွေက ပိုထိုးနှက်တဲ့အခါ ကိုယ့်ကိုယ်ကိုယ်ပဲ ပိုနားလည်ရမယ်ဆိုတာကို သဘောပေါက်သွားခဲ့တာ ။ မျက်ရည်ဆိုတာကလေ... ပြောပြလို့မရတဲ့စကားလုံးတွေကို ဘာသာပြန်ပေးမယ် မွန်းကျပ်လွန်းနေတဲ့စိတ်ကို အနည်းအကျဥ်းတော့ ဖြေလျော့ပေးတယ်လေ ။ အရမ်းပင်ပန်းလာတဲ့အခါ အော်ပြီး ငိုလို့မရရင် ကြိတ်ပြီး ငိုရတယ် ။ ပြီးရင်... ငိုပြီးရင်တော့ တိတ်တော့နော်ဆိုပြီး ကိုယ့်ကိုယ်ကိုယ်လဲ အမြဲ သတိပေးနေရတယ် ။ နာကျင်နေတာလား ..ညီမလေးရဲ့ လူတွေဟာ သူတို့ခံစားရတဲ့အရာကိုပဲ ဒဏ်ရာလို့ထင်တတ်ကြတာ... ကိုယ်နာကျင်နေတာကို ဘယ်သူကမှ နားလည်ပေးမှာမဟုတ်ဘူး ။ သူတို့ဖြစ်နေတာလောက်ကိုသာ စာဖွဲ့ကြတာလေ ကိုယ်ဘာကြောင့် နာကျင်နေရလဲ ဘယ်သူမှ စိတ်ဝင်စားမှာ မဟုတ်ဘူး အရမ်းမွန်းကျပ်နေပြီလား …ငိုချလိုက် ဝမ်းနည်းနေလို့လား …ငိုချလိုက် အကျယ်ကြီး ဟစ်ပြီး ငိုလို့မရတဲ့ဘဝမှာ တိတ်တိတ်လေး ကြိတ်ငိုကြတာပေါ့ ငိုလို့ဝရင်တော့ တိတ်တော့နော်... ဘဝမှာ ဆက်လျှောက်ရဦးမယ် ဒီလောက်နဲ့ ပြိုလဲကျသွားလို့မှ မရပဲလေ... #crd #fypageシ #ဒီတစ်ပုဒ်တော့fypပေါ်ရောက်ချင်တယ် - @alinn61024