⚡️Путиндік спектакльдің көрермені тарқап барады: Танымал ресейлік актер Кремль көсеміне ашық қарсылық білдірді... Пропагандист Безруковтың театрында еңбек еткен танымал ресейлік актер Алексей Ярмущик Владимир Путинге тосын үндеу жасап, оның президенттігін мойындамайтынын мәлімдеді, деп хабарлайды Ertenmedia.kz. Бір тәуліктің ішінде актердің видеосын миллионнан астам адам көрген. Ол желідегі үндеуінде Путинге тіке сөйлеп, билікті толық ауыстыруды талап етті. «Мен сіздің осы елдің президенті болғаныңызды қаламаймын. Ешқашан қаламадым», - деді актер. Ярмущиктің сөзінше, қазіргі үкімет түгел тарауы керек. Сондай-ақ Кремльдің пропагандасын көргісі келмейтінін, VK желісінен жиіркенетінін және Ресейде бұғатталған Instagram-ды еркін пайдаланғысы келетінін айтты. Актер Қырым мәселесіне де тоқталды. «Мен Қырымды біздікі деп есептемеймін», деді ол. Оның айтуынша, өзі қатарлас жастардың ешқайсысы Қырымды Ресейдің жері деп санамайды. Таныстарының көпшілігі елден безіп жатыр, енді бірі күйзелісте жүр, ал қалғандары бұл тақырыпта мүлде сөйлегісі келмейді. Кейбір инсайдердің дерегінше Ярмущиктің үндеуі Ресейдегі үлкен хаостың алғышарты болуы мүмкін. 👉Толығырақ телеграм арнамызда. Сілтеме профильде. - @ertenmedia