@viewer_1221: "ወንድ ልጅ አያለቅስም!" ይህን ቃል ማን አስተማረን? ማን ነው እንባን ከወንድነት ጋር ያጣላው? ማን ነው ወንድ ልጅ ሲያዝን እንዳይናገር፣ ሲጎዳ እንዳያለቅስ፣ ሲደክም እንዳይጮህ ያስተማረው? እውነት ግን... ወንድ ልጅ አያለቅስም ያለው ማነው? ወንድም ሰው ነው። ልብ አለው። ስሜት አለው። ይወዳል። ይጎዳል። ይናፍቃል። ይሰበራል። ይደክማል። ወንድ ልጅ ስቅስቅ ብሎ ያለቅሳል። አንዳንድ ወንዶች ግን ሕይወታቸውን ሙሉ የሚያለቅሱት በሰው ፊት አይደለም፤ በሌሊት ነው። ሁሉም ሲተኙ... የሚያስቧቸውን ነገሮች አስበው፣ የሚናፍቋቸውን ሰዎች ናፍቀው፣ የሚያምማቸውን ህመም ደብቀው...በጨለማ ውስጥ እንባቸውን ያፈሳሉ። ጠዋት ሲነጋ ግን ፊታቸውን ያብሳሉ። "ደህና ነኝ" ይላሉ። እና እንደገና ወደ ሕይወት ይመለሳሉ። ምክንያቱም ዓለም ከእነሱ የምትጠብቀው ይህንን ነው። "አንተ ወንድ ነህ። ጠንክር!" ነገር ግን ሰው ሁልጊዜ ጠንካራ መሆን የለበትም። አንዳንድ ጊዜ መውደቅ አለበት። አንዳንድ ጊዜ ማልቀስ አለበት። አንዳንድ ጊዜ ሰውን አግኝቶ "በጣም ደክሞኛል" ማለት አለበት። እንባ ድክመት አይደለም። እንባ የልብ ቋንቋ ነው። ልብ ቃላት ሲያጣ እንባ ይናገራል። ስለዚህ ወንድ ልጅ ሲያለቅስ አትሳቁበት። "ወንድ ነህ እኮ!" አትበሉት። ይልቁንም አጠገቡ ቁሙ። "እኔ አለሁልህ" በሉት። ምክንያቱም ዛሬ የምታለቅስ ወንድ ልጅ ነገ ሌሎችን የሚያበረታ ጠንካራ ሰው ሊሆን ይችላል። ዛሬ በሰው ፊት እንባውን የሚደብቅ ወንድ ልጅ ግን... ነገ ህመሙን ብቻውን ለመሸከም እስኪሰበር ድረስ ሊደርስ ይችላል። ስለዚህ... ወንድ ልጅ አያለቅስም ያለው ማነው? እንባውን ከደበቀ ወንድ አይሆንም። ህመሙን በጸጥታ ተሸክሞ ለሌሎች ደስታን የሚሰጥ ወንድ ነው። እንባውን አፍስሶ እንደገና የሚነሳ ወንድ ነው። የተሰበረ ልቡን ጠግኖ እንደገና መውደድ የሚችል ወንድ ነው። ስለዚህ ወንድሜ ካለቀስክ አትፈር። ከደከመህ እረፍ። ከተሰበርክ እርዳታ ጠይቅ። ከተጎዳህ ተናገር። እንባህን አትጥላው፤ እሱ የሰውነትህ ማስረጃ ነው። ምክንያቱም እውነተኛ ወንድነት እንባን መደበቅ አይደለም፤ እንባ ካፈሰሰ በኋላ የሚጠብቀውን ሰው፣ የሚወደውን ሰው እና የሚያምነውን ነገር ሳይተው እንደገና መቆም ነው። ወንድ ልጅ አያለቅስም ያለው ማነው? እኔ ግን እላለሁ... ወንድ ልጅም ያለቅሳል። ይወዳል። ይጎዳል። ይሰበራል። ነገር ግን ከእንባው በኋላ እንደገና ይነሳል። ይህ የእኔ እይታ ነው✍️ ሰናይ ቀን🙏 ቀጣይ ሌሎች እይታዎች እንዲደርስዎት የእኔ እይታን ፔጅ Follow, Like, Share, Repost እና Copy Link በማድረግ ቤተሰብ ይሁኑ! #foryou #fyp #viral #fypシ #viralvideo

የእኔ እይታ

Open In TikTok:

Region: SO

Thursday 30 July 2026 13:08:13 GMT