اسࢪ الـ حسين البارت32 _فتحت الثلاجه ميته جوع اريد اكل لكيت علاكه اكل كباب وبركر ولفه صاج وببسي استغربت هاي المن وبثلاجه غرفتي؟ باوعت للغلاف الاسم مكتوب حسين يعني حسين جايبها ولا ادري كعدت اكلت شبعت ورجعت الباقي لثلاجه ولكيت علاكه بيها حلويات هواي وجباسه رتبتها بثلاجه كملت.. كلت انزل اتشكره ع كولشي اليوم ماقصر بس يفتر وياي ويدفع وهم اشوف تلفوني مدري وينه؟.. نزلت شفته بالكراج مسرفن اردانه ورافع بجامته وكاعد يغسل بسيارته السوده تلمع من النضافه جان يغسل بزاهي والكاع كولها رغوه اجيت يمي كتله بعفويه " حسين حسين " رفع راسه ابتسم وكال" هاا ام السوس" كتله ماشفت تلفوني؟ وكف وذب السفنجه من ايده واني دامشي جان ازلك بزاهي صرخت وهو صار مقابيلي حاوط خصري حتى يثبتني دفعته حتى هوا زلك صرت فوكهه وشعري صار ع وجهه وجهي بوجهه من كميه القرب صرنه نسحب نفس واحد.. واني غصيت بضحك وحيلي باد وكلبي يرجف وهوا مابدر منه اي رده فعل صافن بوجهي غمض عيونه وكال " اسراء" وانتبهت عليه هاي دائماً من يصفن عليه يغمض عيونه.. كام ولزمني من خصري ورفعني مثبتني بحضنه حتى لااوكع وكفني بينه وبين السياره ومحاوط خصري كال" هاا " ضحكت وهوا مبتسم ع ضحكتي كال" بلوه انتِ " كتله انتَ شلون زلكت؟ كال" يعني رغوه وانتِ دفعتيني شلون مازلك؟ ضحكت وكتلك كون مصورتك واكلهم حسين زلك وفحطت ضحك وهوا بس يباوعلي ويتأمل تفاصيل وجهي توترت كتله" مضيع شي بوجهي؟ تحمحم وكال" لا تلفونج بسياره شفته " كتله حباب لا ازلك انت انطينيه تقرب عليه صار وجهي بصدره فتح باب السياره وطلع التلفون كتله " حسين "بضوجه اقرالي مثل الصبح كال لا كعدت اتوسل بيه وحباب وعفيه قبل وشغل قصيده لباسم وربطتها ع السياره فـ اني واكفه بينه وبين السياره مااحس الا بحركه سريعه شالني من خصري وكعدني ع الكشن .. وكعد يقرالي نصيت صوت باسم وهوا يقرا بصوته يجنن اخترق مسامعي انعس ع صوته الي يدخلني عالم ثاني يقرا واتأمله واتأمل صوته (احچي شحچي بعض المصايب صعبه تتفصل صعبه وكلبه احنين ولايرضه عليه انذل طفله وكتله خل نحجي بس خل نحجي بالمجمل انخيتك ريتك عن خدي الاحمر بويه لا تسأل..هاذا العزيز وعاش من شافه)كمل باقي القصيده واني اتأمله وهوا يغسل ويقرا التفتت حمودي واكف ويباوع علينه رفع تك حاجب وكال" حسين وقصائد ويقرا لااسراء ولا عرفتك وعلب ولك حسين بس لا طحت ومحد سمه عليك "خزره حسين وكله" ولك ويامن تكله ولك؟ كال "ويا اسراء اكلها ولك اني ولك" وحسين كاله " ولك بعينك اي والله طايح الحظ " وحمودي وكفنه يمنه وفجر راسي بس يسولف تافهه كتله " صوتك تكول غراب شوو وخر خل حسين يكمل "ولا ارادياً كتله بعفويه" كمل حبيبي كمل "فتح عيونه على وسعهن باوعلي بصدمه وذهول مو مستوعب شبه ابتسامه انرسمت ع شفته واختفت بسرعه.. وحمودي صوفر رن بأذني وكال" حبيبي عاش حبيبي" وحسين هفه بل سفنجه وهوا طفر للبيت واني ضجت كتله" حسين راح ادخل بعدين تقرالي مو؟ كال اي بويه دخلي جوا ولا تطلعين.... يتبع - @ma_mam9