@murataben: Кез келген маңызды өзгеріс биік мінберден емес, қарапайым адамдардың күнделікті тіршілігінен, мұқтаждығынан басталады. Сондықтан біз «Әділет» партиясымен сайлауалды жұмысымызды кабинетте отырып емес, көшеде, базарда, әр шаңырақта халықпен тікелей жүздесуден бастауды жөн көрдік. Халықтың шынайы мәселесін өзінен артық ешкім білмейтіні анық. Бүгін Жалағаш ауданындағы үгіт-насихат жұмыстары аясында үзеңгілес серіктерім Нұркен Бақытбекұлы, Мағжан Ералиев және аудандық штаб мүшелерімен бірге халық көп шоғырланатын сауда орындарында болдық. Кәсіпкерлермен, сатушылармен және қарапайым тұрғындармен емін-жарқын пікір алмасып, көкейдегі сауалдарына жауап бердік. Кездесу барысында жұртшылыққа партиямыздың сайлауалды бағдарламасының негізгі бағыттарын кеңінен таныстырдым. Атап айтқанда, кәсіпкерлікті жан-жақты қолдау, әділ бәсекелестік ортасын қалыптастыру, шағын және орта бизнестің дамуына кедергі болатын әкімшілік тосқауылдарды азайту, жаңа жұмыс орындарын ашу және азаматтардың табысын арттыру мәселелеріне баса мән бердік. Бұл кездесу біржақты үгіт-насихатпен шектелген жоқ. Жергілікті тұрғындар мен кәсіпкерлер өздерін толғандырған күнделікті мәселелерін ашық ортаға салып, тиімді ұсыныстарын жеткізді. Әсіресе, сауда жүргізуге қолайлы жағдай жасау және мемлекеттік қолдау тетіктерін жетілдіру жөнінде маңызды ойлар айтылды. Әрбір айтылған пікір мен ұсыныс – мен үшін жай ғана сөз емес, алдағы уақытта нақты шешім қабылдауға негіз болатын маңызды бастама. Тұрғындар көтерген мәселелердің барлығын жеке бақылауға алып, жұмыс барысында міндетті түрде ескеретінімізді жеткіздім. #Қазақстан #Әділет #ӘділетПартиясы #ӘділеттіҚазақстан #ПартияӘділет

673

2026-07-30 14:22:51

To see more videos from user @murataben, please go to the Tikwm homepage.