@cawabemedia_: Msemaji wa Timu za Taifa, Haji Manara, amemtaka aliyekuwa nahodha wa Taifa Stars, Mbwana Ally Samatta, kutafakari upya uamuzi wake wa kustaafu soka la kimataifa na kurejea kuichezea timu hiyo kwa ajili ya Michuano ya Mataifa ya Afrika (AFCON) 2027. Akizungumza na waandishi wa habari leo, Julai 30, 2026, Manara amesema alishtushwa na taarifa ya Samatta kutangaza kustaafu kuitumikia Taifa Stars, akieleza kuwa mshambuliaji huyo bado ana uwezo na mchango mkubwa kwa timu ya taifa. Amesema ushiriki wa Samatta katika AFCON 2027 ungekuwa hitimisho zuri la safari yake ya kuitumikia Tanzania, hasa wakati nchi itakapokuwa mwenyeji mwenza wa mashindano hayo pamoja na Kenya na Uganda. Manara ameongeza kuwa endapo Samatta atakubali kurejea, kutafanyika maandalizi ya mechi maalumu ya kumuaga kwa heshima, ikiwa ni kutambua mchango wake mkubwa kwa Taifa Stars na soka la Tanzania. Aidha, amependekeza jezi namba 10 iliyokuwa ikivaliwa na Samatta istaafishwe kwa muda, hata kama ni kwa mwaka mmoja, kama ishara ya kuthamini mchango na historia aliyoandika akiwa na timu ya taifa.

cawabemedia

Open In TikTok:

Region: TZ

Thursday 30 July 2026 14:24:21 GMT