@tumboor4: حواء و الزمن الاغبر للشاعر خالد شقوري.. الحانواداءالفنان الراحل.. يعقوب تاج السر. شق جسم الليل عويلا وضمت الآهات ذليله حواء ياناس ياحليلا وتانى ياناس ياحليلا ماسكة كف التوب تخيط والدموع تنزل هميلا كان متاكى الباب عليها وخايفة ابوها يشوف حويلا العليها هو ماهو هين كيف تهين روحو العليلا كان يقولها حواء مالك العذاب كيفن مشالك حواء لا زيدى العليكى فوق كتيفى انا شايلو فالك فى وتيدات المذلة بكرة بنفكن حبالك حواء ماهامينى حالى الا صح هامينى حالك,,, حواء حواء وباقى نضمو تحبسو العبرة التقيلة,,, اصلوا من ولدوها ضمة حواء مافرت خشيمها وردت شفتيها يمة حواء كان احلاما حمة كان تشوف الدنيا غمة ماهي ياناس غير ابوها مافي زولا بيها هما ماهي ما ولدوها اصلا ماهي حية ويوما تما حواء برد الدنيا والله اكبر من غطاها حواء كان بامكانا تسرق بس ضمير الخير حماها حواء عاشت في الماسي وكان بتصحي علي صداها زاد اذاها وزاد شقاها يوم ابوها الراجا ودع روحو دقت بوق رحيلا حواء عاشت في الماسي والماسي بقت حقيقة حواء قالت داير تشرب مالقت ولاحتي ريقا ما لقت غير هم مقسم يبقي في الايام رفيقا حواء قالت دايرة تاكل لو لقتلها لقمة نية قالوا ليها ان دايرة تاكلى اكلى فى خاطرك شوية اضحكيلم وابسميلم تلقى بدل اللقمة مية حواء قالت دايرة تشرب مالقت ولا حتى ريقا قالوا ليها الدايرة تشرب تبقى للايام رفيقة حواء قالت دايرة تلبس حشمة ماشرطا" قيافة " قالوا ليها الدايرة تلبس الا تمرق توب عفافا حواء قالت دايرة تغمد لو حلم بالفرحة طافا قالوا ليها الدايرة تغمد الا في صدر السخافا بين ايدينا عشت المعزة ما خلاص بعدت مسافة حتى قدر الموت اباها مش حرام الموت يعافا سوت الشاى للعطالة ماجنت غير الرزالة حامت الحلال تغسل شالوا ناس الحله حالا مدت الايد للعماية ختو في ايدها لا لا ختت الالام وراها لاقت الاوهام قبالا,, قنبت في ضل مصقر سارحة تلتق فى نعالا وفى ضجيج عجلة زمانا ما نست مسحة جمالا ما لقت غير انو ترحل لي مدائن الهم ذليلة حواء ماتت لمن ماتت امها وكانت طفيلة حواء ماتت لما ابوها روحو دقت بوق رحيلا حواء ماتت الف مرة,,, لما سلبوها الفضيلة والله ماتت الف مرة لما سلبوها الفضيلة #يعقوب_تاج_السر #خالد_شقوري #مشاهير_تيك_توك #منتدى_الطمبور #منشئ_المحتوى

منتدى الطمبور

Open In TikTok:

Region: SD

Thursday 30 July 2026 14:34:55 GMT