လေးမျက်နှာမြို့နယ်ရှိ ငဝန်ရေကာတာ မကျိုးပေါက်စေရေး အရေးပေါ်ထိန်းသိမ်းမှုများ ဆောင်ရွက်နေ လေးမျက်နှာမြို့နယ် ။ ၂၀၂၆ ခုနှစ် ဇူလိုင်လ ၃၀ ရက် ဧရာဝတီတိုင်းဒေသကြီး၊ လေးမျက်နှာမြို့နယ်၊ သွခတ်ချောင်းကျေးရွာအုပ်စု၊ မြစ်ကျိုးဝကျေးရွာ ဘုန်းတော်ကြီးကျောင်းအနီးရှိ ငဝန်ရေကာတာ မိုင်တိုင်အမှတ် (၂၅/၃) အနီးတွင် မိုးသည်းထန်စွာ ရွာသွန်းမှုနှင့် ငဝန်မြစ်ရေတိုက်စားမှုတို့ကြောင့် ရေကာတာမှာ ကျိုးပြတ်မည့် အန္တရာယ်ရှိသည့် အခြေအနေသို့ ရောက်ရှိနေကြောင်း သိရသည်။ ဖြစ်စဉ်မှာ ဇူလိုင်လ ၃၀ ရက် မွန်းလွဲ ၃ နာရီ ၁၀ မိနစ်ခန့်တွင် စတင်ဖြစ်ပွားခဲ့ပြီး ရေကာတာ၏ အလျား (၂၀) ပေခန့်နှင့် အမြင့် (၄) ပေခန့် နိမ့်ကျသွားခဲ့ကြောင်း သိရသည်။ ယင်းနောက် ရေကာတာမှာ ကျိုးပြတ်နိုင်သည့် အန္တရာယ်ရှိသော အခြေအနေသို့ ရောက်ရှိလာခဲ့သည်။ ရေကာတာ နိမ့်ကျမှုကြောင့် ငဝန်မြစ်အတွင်းမှ ရေများသည် မြစ်ကျိုးဝကျေးရွာဘက်သို့ စိမ့်ဝင်လျက်ရှိပြီး ရေကာတာ ကျိုးပြတ်မှု မဖြစ်ပေါ်စေရေးအတွက် သက်ဆိုင်ရာ တာဝန်ရှိသူများက အရေးပေါ် တာပြန်လည်ပြုပြင်ခြင်းနှင့် ထိန်းသိမ်းရေးလုပ်ငန်းများကို အရှိန်အဟုန်မြှင့် ဆောင်ရွက်လျက်ရှိကြောင်း သိရသည်။ ဇူလိုင်လ ၃၀ ရက် ည ၈ နာရီ ၃၀ မိနစ်အထိ SH Media Group ၏ နောက်ဆုံးဆက်သွယ်မေးမြန်းချက်အရ ရေကျိုးပေါက်နေရာအား အရေးပေါ် ထိန်းသိမ်းနိုင်ရေးအတွက် သဲတင်မော်တော်တစ်စီးဖြင့် သဲများဖြည့်တင်းသွားမည်ဖြစ်ပြီး ကျောက်တင်မော်တော်တစ်စီးကိုလည်း ထပ်မံစေလွှတ်ကာ ကျောက်များချ၍ ခိုင်ခံ့အောင် ဆောင်ရွက်သွားမည်ဖြစ်ကြောင်း သိရသည်။ လက်ရှိအခြေအနေတွင် တာတမံကျိုးပြတ်မှု မဖြစ်ပေါ်စေရေးကို ထိန်းချုပ်နိုင်မည်ဟု မျှော်မှန်းထားကြောင်း တာဝန်ရှိသူတစ်ဦးက SH Media Group သို့ ပြောကြားခဲ့သည်။ #SHMediaGroup #ဧရာဝတီတိုင်း #လေးမျက်နှာမြို့နယ် #ငဝန်ရေကာတာ #မြစ်ရေတိုက်စားမှု သတင်း - SH Media Group သတင်းအဖွဲ့ (ဟင်္သာတ၊ လေးမျက်နှာ၊ အင်္ဂပူ) 👤Edited by: SH Media Group –Central Online News Editor ━━━━━━━━━━━━━━━━━━ 🟥 SH Media Group ကို Follow လုပ်ရန် 🔹 Website – https://shmediagroupmm.blogspot.com 🔹 Telegram – https://t.me/shnews07 🔹 Facebook (SH အထူးဟစ်တိုင်းသတင်း) – https://www.facebook.com/SHMedia2026 🔹 Facebook (ပြည်သူ့အတွက် ဟစ်တိုင်သတင်းစုံ ဂျာနယ်) – https://www.facebook.com/SHNews07 🔹 Facebook (အမှန်တရား သတင်းဂျာနယ်) – https://www.facebook.com/SHNewsZaw7 🔹 TikTok – https://www.tiktok.com/@sh314789 🔹 YouTube – https://youtube.com/channel/UCLqnKVthBqtyxX0nMRf8-eQ 🔹 Viber Channel – https://invite.viber.com/?g2=AQBmevNkgyhVplZ9lkTwkTaNPLgUEOwOLCAvKZjqEbKHZH35DVNiImXT6yAlDom7 🔔 အချိန်နှင့်တစ်ပြေးညီ သတင်းများ၊ ဓာတ်ပုံများနှင့် Video များကို ကြည့်ရှုနိုင်ရန် Follow လုပ်ထားပေးပါ။ - @sh314789