مولا میں اپنی بے بسی آخر کیسے بیان کروں؟ میرے الفاظ ساتھ چھوڑ دیتے ہیں، میری آواز بھر آتی ہے اور میں خود کے لیے دعا کرتے ہوئے بھی رو پڑتی ہوں۔ ایسا لگتا ہے جیسے دل میں درد اتنا جمع ہو چکا ہے کہ اب دعائیں بھی آنسوؤں میں بدل جاتی ہیں۔ ... يا الله، میں لوگوں کے سامنے مضبوط بننے کی کوشش کرتی ہوں مگر تو تو میرے دل کا حال جانتا ہے۔ تو جانتا ہے کہ میں کتنی بار خاموشی میں ٹوٹی ہوں، کتنی بار مسکرا کر اپنے درد چھپائے ہیں۔ میں نے ہر کسی کو یہ یقین دلایا کہ میں ٹھیک ہوں، مگر تو جانتا ہے کہ میری روح کتنی تھک چکی ہے۔ ... مولا جب میں اپنے لیے ہاتھ اٹھاتی ہوں تو میرے دل کے زخم میری آنکھوں تک آ جاتے ہیں۔ میں مانگنا چاہتی ہوں سکون مگر آنسو پہلے گر جاتے ہیں۔ میں کہنا چاہتی ہوں کہ مجھے مضبوط کر دے، مگر میرا لہجہ لرزنے لگتا ہے۔ کیونکہ اب دل تھک گیا ہے مسلسل صبر کرتے کرتے۔ ... يا رب، میں نے ہر تکلیف خاموشی سے برداشت کی، ہر دکھ دل میں چھپایا، ہر رات خود کو سنبھالا مگر کبھی کبھی ایسا لگتا ہے کہ میں اندر سے خالی ہو گئی ہوں۔میں ہنس تو لیتی ہوں، مگر خوش نہیں ہوں۔ میں لوگوں کے درمیان ہوتی ہوں، مگر پھر بھی تنہا محسوس کرتی ہوں۔ ... مولا اگر یہ آزمائش ہے تو مجھے ہمت بھی دے۔ اگر یہ درد میرے نصیب میں ہے تو میرے دل کو سکون بھی عطا کر۔ میرے آنسوؤں کو ضائع نہ ہونے دینا۔ میری خاموش دعاؤں کو اپنے دربار سے خالی واپس نہ بھیجنا۔ .... میں جانتی ہوں تو وہ رب ہے جو ٹوٹے ہوئے دلوں کی آواز بھی سنتا ہے۔ تو وہ رب ہے جو آنکھوں سے گرنے والے ہر آنسو کا مطلب جانتا ہے۔ اسی لیے آج میں لوگوں سے نہیں، صرف تجھ سے امید رکھتی ہوں۔ ... يا الله مجھے اپنے قریب کر لے۔ میرے دل کی بے چینی ختم کر دے۔ میرے نصیب میں سکون لکھ دے۔ اور اگر میری زندگی میں خوشیاں دیر سے آنی ہیں... تو مجھے اتنا مضبوط بنا دے کہ میں انتظار کر سکوں امین #creatersearchingsight #zakhmirooh #tanharooh - @tanharooh2