@saeddhiif1: Sida xasuusaha tabani u gujeeyaan maanka, una hulaanjiyaan wadnaha, keliya waxaa lagu masaali karaa tabta mudaca marka lagu turqo maqaarka jidhka uu u xanuusaddo oo kale. Xasuusuhu waa cadaab ka aloosanta gudaha ruuxda, oo aan si fudud looga nasan karin. Dhab ahaan may dhacdeen in qofi qof kale u hiloobo hadaan gocosho jirin. Maba jiri karteen nafo inay is tebaan xasuus la'aanteed. Si fudud sababtaas awgeed waynu odhan karnaa, xasuusuhu waa dabarka isugu haya naflaha si taban ama si togan. Kedib kala taga iyo kala fogaanshaha qofkastaaba wuxuu geli lahaa nolol dhadhansi leh oo aan dareemo qasani ku dhaabneyn. Ma uu tabeen qof gooyay, mid ka isku uga tashadday, ku ay duruufuhu ka weecsheen, se waa hadii noloshu bilaa xasuus ahaan lahayd. Waxaa biyo kama dhibcaan ah in lala soomal haadi doono ficiladdii quruxda badnaa, maalmihii wacnaa ee jacaylku ka buuxay, Laabgelintii naxariista badnayd, dhunkashaddii iyo muusihii, wadajir casheyntii, caweyskii, iyo weedhihii laysu xuli jiray oo dhamaantood iyagoo xasuus ah niyadda kusoo qulqulaya. Kolkaasna ka dhex oogi doona dhamac aan laga hadhsan karin. Dhamac ololkeedu leefo dubka farxadda, goostana diirka xasiloonidda. Bal adiguba suurayso hadii intaas oo eedaad ah laga maro tebidda togan, maxaa laga mudan karaa xasuusaha qaar-ka taban! waa lagu dhibtoon doonaa waayo door ah. Waxaana loo seegi doonaa hurdadii wacnayd. Waa halkii uu Fuuf Maxammuud darwiish ka lahaa “Ilowga jacaylku ma aha in la tirtiro xasuusta, ee waa in la barto sida loo noolaado adigoo xusuusta sida”. 21—Janaayo—2026. @𝕊𝕀ℂ𝕀𝕀𝔻☆

AW DHIIF

Open In TikTok:

Region: SO

Thursday 30 July 2026 16:17:45 GMT