@paza_sauti_media: Mkuu wa Wilaya ya Kisarawe, Petro Magoti, amemsimamisha kazi Mwenyekiti wa Kitongoji cha Maguruwe, Kata ya Msimbu, Saidi Fundikila, ili kupisha uchunguzi wa tuhuma za matumizi mabaya ya madaraka, ikiwemo kumpiga Mwananchi, Athuman Kizoka, kumfunga pingu za Polisi katika Ofisi ya Kitongoji kinyume cha sheria, kumiliki pingu hizo bila uhalali, pamoja na kupora nyumba ya Mama wa Athuman. Inaelezwa kuwa, Mwenyekiti huyo alijichukulia hatua hizo baada kufuatia madai ya Shilingi Milioni 3.3 kutoka kwa Athuman Kizoka, akidai fedha hizo zilihusiana na mzigo aliomtuma Kijana huyo kuufuata kupitia Mwanaye ambao ulipotea. Wananchi walidai kuwa katika kufuatilia deni hilo, Mwenyekiti huyo alimshambulia na kumpiga Athuman, akamfunga pingu ndani ya Ofisi ya kitongoji, kisha akachukua nyumba ya Mama yake kama dhamana licha ya kutokuwa mali ya mdaiwa. Akizungumza katika Mkutano wa hadhara wa kusikiliza na kutatua kero za Wananchi uliofanyika Julai 29, 2026 katika Kitongoji cha Maguruwe, Magoti alisisitiza kuwa Serikali haitaendelea kuvumilia matumizi mabaya ya Ofisi na madaraka yanayowanyanyasa Wananchi na kuzalisha chuki dhidi ya Serikali badala ya kutatua matatizo yao, akieleza kuwa viongozi wote watakaobainika kufanya vitendo vya aina hiyo watachukuliwa hatua kwa mujibu wa sheria.

Paza Sauti

Open In TikTok:

Region: TZ

Thursday 30 July 2026 17:15:56 GMT