@sultanah903: Miyaan ku sugaa niyaddaydana ma ka dhaadhiciyaa hadalkii ahaa: “Haddii qof uu in badan niyadaada ku soo noqnoqdo, sidoo kale adna niyaddiisa ayaad in badan ku soo noqnoqotay.” Hubaal taasi waa falsafada aan ugu jeclahay. Naftayda ma u sheegaa oo ma ku sasabaa: “Sow lagama yaabo, sidaad uga fikirayso, inuu asna kaaga fikirayo?” Sidoo kale, miyaan u sheegaa naftayda in aan habeenno badan hurdadaada kaa qaatay sida aad tayda u qaadatay? Ma laga yaabaa in habeenno badan aan riyadaada qayb ka noqday, sida aad tayda qayb uga noqotay? Ma laga yaabaa sida aan fariimahaaga u dhawro inaad kuwayga u dhowrto? Ma laga yaabaa in online-kaygu kuu noqdo farxadda ugu weyn ee maalintaada? Sow macquul ma aha sida maqnaashahaaga ii dhibo inuu adna kayga kuu dhibo? Mise waan kaa suulaa oo waan iska kaa indho-tiraa, oo waxaan aaminaa hadallada dadka markay yidhaahdaan: “Niyadaada waxyaabahaas ha gelin. Lagama yaabo inuu kuu xiiso. Fariimahaagana dhowro; xitaa lagama yaabo inuu maalintiisa qayb yar oo ka mid ah kaa fikiro, iskaba daa inaad riyadiisa qayb ka noqotee.” Miyaan rumaystaa dadka yidhaahda: “Qofka dareen kuu haya, haba yaraadee, wuu ku soo raadinayaa.” Dareenkaan haraadka iyo hiifidda leh aan ka nasan la’ahay, miyaad ila qabtaa? Midda uga xanuunka badan ee aan ka murugoodo waxay tahay: armaad dareenkan kuu qabo ka badan ii qabtaa, balse aad dhayalsanaysaa. Maalin aan tanaasulay, amuu kugu soo burqadaa, anana garab kuu ahaan waayaa. Ugu yaraan, haddii aad maalin qalbigaaga in yar ii gelisay, fursadda ugu weyn ee nolosha ku siisay waa maanta. Dhankayga imow, qalbigana u oggolow inuu dareen hadlo. Waan jeclaan lahaa inaan wax kasta kuu sheego ka hor inta aadan ii sheegin, laakiin xishood dumar baa ila haray. Fariintan haddii aad aragto, waad i dareemi doontaa. W/Q سلطانة ☕️📚 #message #feelinglove #readers #fyp #foryou

سلطانة📚☕️

Open In TikTok:

Region: KE

Thursday 30 July 2026 17:54:43 GMT