@ranbo.best: አንድ የሰማንያ ዓመት አዛውንት አባትና ልጃቸው በረንዳ ላይ ተቀምጠዋል። አንድ ወፍ መጥታ አጥሩ ላይ አረፈች። "ልጄ፤ እዚያ አጥሩ ላይ ያረፈው ምንድን ነው?" ልጁ "ጭልፊት ነው አባዬ።"ብሎ መለሰ። ከጥቂት ደቂቃዎች በኋላ… አባት፦ «ልጄ፤ እዚያ አጥሩ ላይ ያረፈው ምንድን ነው?" ትንሽ የሰለቸ በሚመስል ድምፅ "ጭልፊት ነው።" ብሎ መለሰ። ለሦስተኛ ጊዜ አባቱ ጠየቀው። ልጁም በብስጭት ድምፁን ከፍ አድርጎ "አባዬ! ስንት ጊዜ ልንገርህ? ጭልፊት ነው! ለምን አትሰማኝም?!" አለው። ... አባቱም ምንም ሳይናገሩ ተነስተው ወደ ቤት ገቡ። አንድ ያረጀ አሮጌ ማስታወሻ ደብተር ይዘው ተመለሱና ለልጃቸው ሰጡት። እንዲህ የሚል ጽሑፍ ነበረበት "ዛሬ ከ3 ዓመቱ ህፃን ልጄ ጋር በረንዳ ላይ ተቀምጠን ሳለ አንድ ወፍ መጥታ አረፈች። ልጄ ‘አባዬ ይህ ምንድን ነው?’ ብሎ 23 ጊዜ ተደጋግሞ ጠየቀኝ። እኔም ሳልሰለችና ሳልናደድ በእያንዳንዱ ጊዜ በፍቅር እቅፍ አድርጌ ‘ጭልፊት ነው ልጄ’ እያልኩ 23 ጊዜ መለስኩለት።" ልጁ አፈረ፤ አለቀሰም። አባቱንም ይቅርታ ጠየቀው። ... ወላጆቻችን መጦር፣ በደከሙ ጊዜ ምርኩዝ መሆን አስፈላጊ ነው። ታላቅ ሀገር እና ታላቅ ልጁ የሚባለው አባቱን ያከበረ፤ እናቱን የጦረ ነው። (ከምዕራባውያን የሞራል ታሪኮች በከፊል)

ranbo best

Open In TikTok:

Region: QA

Thursday 30 July 2026 18:30:47 GMT