လေးမျက်နှာမြို့နယ်၊ သခွပ်ချောင်းကျေးရွာအုပ်စု၊ ဂျမ်းကုန်းကျေးရွာအနီး ငဝန်ရေကာတာကျိုးပေါက် လေးမျက်နှာ ဇူလိုင် ၃၁ ဧရာဝတီတိုင်းဒေသကြီး၊ ဟင်္သာတခရိုင်၊လေးမျက်နှာမြို့နယ်၊ သခွတ်ချောင်းအုပ်စု၊ ဂျမ်းကုန်းကျေးရွာအနီးရှိ ငဝန်ရေကာတာ မိုင်တိုင်အမှတ် ၂၅/၃+၁၀၀ ပေ၊ ငဝန်ရေကာတာရှိ တာကျိုးပေါက်သည့် နေရာတွင် အကျယ် ၁၃၀ ပေ မြစ်ရေကျော်ကျမှု ယမန်နေ့ ည ၁၁ နာရီက ဖြစ်ပွားခဲ့ရာ မြစ်ရေများ မြစ်ကျိုးအင်းအတွင်း ဝင်ရောက်သောကြောင့် ၄င်းနေရာမှတစ်ဆင့် မြို့ပေါ်ရပ်ကွက် အမှတ် ၅ ရှိ အိမ်ခြေ ၁၈၉ လုံး၊ အိမ်ထောင်စု ၁၈၉ စု၊ လူဦးရေ ၉၇၀ ဦးအား ဘေးလွတ်ရာနေရာများသို့ ယနေ့မနက် ၅ နာရီအချိန်ကစတင်၍ တိုင်းဒေသကြီးအစိုးရအဖွဲ့ စိုက်ပျိုးရေး၊မွေးမြူရေးနှင့် ဆည်မြောင်းဝန်ကြီး၊ ခရိုင်စီမံခန့်ခွဲရေးနှင့်အုပ်ချုပ်ရေး ဥက္ကဌ၊ ခရိုင်ဘေးစီမံ၊ လေးမျက်နှာမြို့နယ်အုပ်ချုပ်ရေးအဖွဲ့များ၊ ဆည်မြောင်း၊ မီးသတ်တပ်ဖွဲ့ဝင်များ၏ အကူညီများဖြင့် ရွှေ့ပြောင်းပေးခဲ့သည်။ ငဝန်မြစ်ရေသည် ထပ်မံတိုးလာခြင်း မရှိသေးသော်လည်း တာကျိုးသည့်နေရာအား ရေအရှိန်သတ်ရန်အတွက် ဆည်မြောင်းဦးစီးဌာနမှ တာဝန်ရှိသူများ၊ အင်းလုပ်သားများ ညှိနှိုင်း၍ တာဘောင်မြေဖို့နိုင်ရေး တန် ၂၀ ဘတ်ဖိုးတစ်စီးအား ဖြစ်စဥ်အနီးဆုံးနေရာသို့ ရွှေ့ပြောင်းထားရှိပြီး နောက်ထပ်တစ်စီးသယ်ယူလျက်ရှိရာ လူအား၊ စက်ယန္တရားအားဖြင့် စုဖွဲ့ပြင်ဆင်ဆောင်ရွက်လျက်ရှိကြောင်း တင်ပြအပ်ပါသည်။ ထို့အတူ ရေဘေးရှောင်စခန်းအား သံသရာငြိမ်းအေးစတုမုခဇေယျသိဒ္ဓိစေတီတော် ဓမ္မာရုံတွင်ဖွင့်လှစ် ထားရှိကြောင်း သိရသည်။ မြို့နယ် (ပြန်/ဆက်) Hinthada D Views #hinthada #hinthadadviews #localnews #htdnews #news #foryou #ဧရာဝတီတိုင်းဒေသကြီး - @hinthada.view