"ဘဝက တိုတောင်းတယ်… ဒါကြောင့် မာနထက် မေတ္တာကို ရွေးပါ။" မနက်ဖြန်ဆိုတာ ဘယ်သူ့ကိုမှ အာမခံထားတာ မဟုတ်ဘူး။ နောက်တစ်ခါ ပြန်တွေ့ရမယ်ဆိုတာလည်း ဘယ်သူမှ မသေချာနိုင်ဘူး။ ဒါကြောင့် မပြောရသေးတဲ့ စကားကောင်းတွေကို သိမ်းမထားပါနဲ့။ မပေးရသေးတဲ့ အပြုံးတွေကို မနှမြောပါနဲ့။ မတောင်းပန်ရသေးတဲ့ အမှားတွေကိုလည်း အချိန်မဆွဲပါနဲ့။ တစ်ခါတလေ... ဘဝကို ပင်ပန်းစေတာ အလုပ်တွေ များလို့ မဟုတ်ဘူး။ ကိုယ့်မာနကို အမြဲ ရှေ့တန်းတင်ထားလို့ပါ "သူအရင်ခေါ်မှ ငါပြောမယ်။" "သူအရင်တောင်းပန်မှ ငါခွင့်လွှတ်မယ်။" "သူအရင်လာမှ ငါပြန်သွားမယ်။" ဒီလိုစောင့်နေရင်းနဲ့ အဖိုးတန်တဲ့ လူတချို့ဟာ ဘဝထဲက ထွက်သွားခဲ့ကြတယ်။ တချို့ Relationship တွေ မပျက်သင့်ဘဲ ပျက်သွားတာဟာ ပြဿနာကြီးလို့ မဟုတ်ဘူး။ မာနက မေတ္တာထက် အသံပိုကျယ်သွားလို့ပါ။ မာနက အနိုင်ရနိုင်တယ်။ ဒါပေမယ့် အနိုင်ရပြီးရင် ဘေးမှာ ဘယ်သူမှ မကျန်တော့တာမျိုးလည်း ရှိတတ်ပြန်တယ်။ တကယ်တမ်း ဘဝမှာ အရေးကြီးတာ "ငါမှန်တယ်" ဆိုတာထက် "ငါတို့ မပျက်သွားဘူး" ဆိုတာပါ။ ခွင့်လွှတ်ခြင်းဆိုတာ မေ့ပစ်လိုက်တာ မဟုတ်ဘူး။ ဖြစ်ခဲ့တဲ့ နာကျင်မှုကို ဘဝတစ်ခုလုံး သယ်မသွားဖို့ ဆုံးဖြတ်လိုက်တာမျိုးပါ။ အမုန်းဆိုတာ ကိုယ်သောက်နေတဲ့ အဆိပ်ကို တခြားသူ သေမယ်လို့ မျှော်လင့်နေသလိုပဲ။ ဒေါသတွေကို ဖက်ထားလေ စိတ်က ပိုလေးလေ။ ခွင့်လွှတ်လိုက်တဲ့နေ့ကစပြီး ကိုယ့်ရဲ့ အိပ်စက်ခြင်းတွေ ပိုငြိမ်းချမ်းလာတယ်။ နှလုံးသားထဲမှာ နေရာလွတ်တွေ ပြန်ပေါ်လာတယ်။ အဲဒီနေရာမှာ ပျော်ရွှင်မှုတွေ ပြန်ဝင်လာနိုင်တယ်။ ယုံကြည်မှုကိုတော့ အချိန်ယူပြီး တည်ဆောက်ပါ။ ယုံကြည်မှုဆိုတာလဲ စကားလုံးနဲ့ တည်မဆောက်နိုင်ဘူး။ လုပ်ရပ်တွေ၊ အချိန်တွေ၊ သစ္စာရှိမှုတွေနဲ့သာ တည်ဆောက်ရတဲ့ အိမ်လေးတစ်လုံးလိုပဲ။ အလျင်စလို ယုံကြည်လိုက်ရင် စိတ်ဒဏ်ရာ ရနိုင်တာမို့ပါ။ ဒါပေမယ့် လူတိုင်းကို သံသယနဲ့ပဲ ကြည့်နေမယ်ဆိုရင်လည်း ဘဝက အေးစက်သွားမှာပေါ့ တကယ်ချစ်တဲ့သူဟာ အနိုင်ယူဖို့ မကြိုးစားဘူး။ နားလည်ပေးဖို့ ကြိုးစားတယ်။ ထိန်းချုပ်ဖို့ မကြိုးစားဘူး။ လွတ်လပ်စွာ ပွင့်လန်းခွင့်ပေးတယ်။ ချစ်ခြင်းဆိုတာ ပိုင်ဆိုင်ခြင်း မဟုတ်ဘူး။ တန်ဖိုးထားခြင်း ဖြစ်တယ်။ တစ်ယောက်ကို တစ်ယောက် ပိုကောင်းတဲ့လူ ဖြစ်လာအောင် အားပေးပေးခြင်းသာ ဖြစ်ပါတယ်။ ဒါကြောင့်... မာနကို နည်းနည်းစီ လျှော့ချသွားကြပါ။ ခွင့်လွှတ်မှုကို နည်းနည်း တိုးယူသွားကြပါ။ #creatorsearchinsights #fyp #foryou #myanmartiktok🇲🇲🇲🇲 - @sitt1343