@vatandosh_koreya: 🇰🇷 Koreya matbuoti: o‘zbekistonlik ishchilar imzolagan tilxatda odam savdosi alomatlari bor Janubiy Koreyaning Ulsan shahridagi HD Hyundai Heavy Industries korxonalariga ishga borgan o‘zbekistonlik migrantlar imzolagan shartnoma va tilxat keskin bahslarga sabab bo‘ldi. Pressian nashrining yozishicha, O‘zbekistonning vakolatli idorasi yozma roziligisiz ish joyini o‘zgartirgan xodimga har oy 2000 dollar jarima solinishi ko‘zda tutilgan. Jarima Koreyada noqonuniy qolish, ish beruvchining qonuniy talablarini bajarmaslik, uzrsiz ishlashni to‘xtatish hamda ayrim norozilik yoki siyosiy tadbirlarda qatnashish holatlariga ham tatbiq etilishi qayd etilgan. Ulsanda ishlayotgan o‘zbekistonliklardan birining aytishicha, pudratchi korxonadan bo‘shatilib, boshqa ish topgan migrantdan 6000 dollar jarima talab qilingan. Kasaba uyushmasi vakiliga ko‘ra, kamida 10 nafar ishchi adolatsiz jarimaga duch kelganini bildirgan. Noroziliklar 18-iyul kuni 26 yoshli o‘zbekistonlik ishchi halok bo‘lganidan keyin kuchaygan. Hamkasblarining so‘zlariga ko‘ra, u xavfli mehnat sharoiti sabab boshqa zavodga o‘tmoqchi bo‘lgan, biroq jarima bilan bog‘liq talablar bunga to‘sqinlik qilgan. Koreyalik advokat Choy Jong Gyu moliyaviy jarima orqali ishchini bir ish joyida ushlab turish majburiy mehnat yoki odam savdosi alomatlarini yuzaga keltirishi mumkinligini ta’kidlagan. HD Hyundai Heavy Industries shartnoma tuzilishi va jarima undirish jarayonida qatnashmaganini bildirdi. Ulsan shahri ma’muriyati vaziyatni o‘rganmoqda. Hozircha jarimalarni bekor qilish yoki shartnomani qayta ko‘rib chiqish bo‘yicha rasmiy qaror e’lon qilinmagan. Batafsil @vatandosh_koreya

Vatandosh KOREYA

Open In TikTok:

Region: UZ

Friday 31 July 2026 06:27:49 GMT