@vatandosh_koreya: 📰 Janubiy Koreyada issiq urishidan yana bir xorijlik ishchi vafot etdi Janubiy Koreyaning Kyon­gido provinsiyasida bu yil issiq urishi oqibatida xorijlik ishchi o‘limi ilk bor qayd etildi. 60 yoshdan oshgan erkak Pxyontxek shahri yaqinida ochiq havoda ishlagach, 26-iyul kuni o‘z avtomobilida hushsiz holda topilgan. U shifoxonaga olib borilgan, biroq ertasi kuni vafot etgan. Hozircha marhumning fuqaroligi va aynan qanday ishda ishlagani ma’lum qilinmagan. Bu joriy yozdagi issiq bilan bog‘liq xorijlik ishchilar o‘rtasidagi ilk fojia emas. ▪️ 4-iyul kuni Chxunchxonbuk-do viloyatining Gvesan tumanida o‘rmon hududida o‘t o‘rayotgan 20 yoshlar atrofidagi Vetnam fuqarosi issiq urishidan vafot etgan. ▪️ 25-iyul kuni Chollanam-do viloyatining Xenam tumanida dalada ishlayotgan 30 yoshlar atrofidagi Tailand fuqarosi ham issiq urishidan halok bo‘lgan. Mazkur holat yuzasidan Mehnat vazirligi va politsiya tekshiruv olib bormoqda. Kyon­gido ma’muriyati ma’lumotiga ko‘ra, 15-maydan 29-iyulgacha provinsiyada issiq sababli 343 nafar odam jabrlangan. Eng ko‘p holatlar ochiq qurilish maydonlari va qishloq xo‘jaligida ishlayotganlar orasida qayd etilgan. @vatandosh_koreya

Vatandosh KOREYA

Open In TikTok:

Region: UZ

Friday 31 July 2026 09:35:58 GMT