@shynar.kz4: Петропавлда діни алауыздықты қоздырған ер адам 6 жылға сотталды Петропавл қаласында діни алауыздықты қоздыру ісі бойынша сот үкімі шықты. Сот алдында 50 жастағы Арман Ахметов жауап берді. Айыптау нұсқасына сәйкес, ол әлеуметтік желіде діни араздықты қоздыруға бағытталған жазбаларды бірнеше рет жариялаған. Атап айтқанда, жазбаларында ислам дінінің қазақтарға қатысы жоқ екенін айтып, Мұхаммед пайғамбарға қатысты қорлайтын сипаттағы мәлімдемелер жасаған. Сотталушының мүддесін екі адвокат қорғады. Қорғау тарапы қосымша соттық дінтану сараптамасын тағайындауды сұрағанымен, сот бұл өтінішті қанағаттандырмады. Сот отырысы барысында прокуратура сотталушымен процестік келісім жасасудан бас тартқан. Нәтижесінде сот Арман Ахметовті діни алауыздықты қоздыруға байланысты қылмыстық құқық бұзушылық жасады деп танып, 6 жылға бас бостандығынан айыру жазасын тағайындады. Үкім әзірге заңды күшіне енген жоқ.

ShynAr.kz

Open In TikTok:

Region: KZ

Friday 31 July 2026 11:25:57 GMT