@sirak7772: አንድ ሀብታም ሰው በወንዝ ዳርቻ እያለፈ ሳለ፣ አንድ ዓሣ አጥማጅ በወንዙ ዳር ጋደም ብሎ ዘና እያለ በሰላም ሲጋራ ሲያጨስ ተመለከተው። ሀብታሙ ሰውም ወደ እርሱ ተመልክቶ፣ “ለምንድነው ወጥተህ ዓሣ የማታጠምደው?” ሲል ጠየቀው። ዓሣ አጥማጁም፣ “ለዛሬ የሚበቃኝን ያህል ዓሣ አስቀድሜ አጥምጃለሁ” ሲል መለሰለት። ሀብታሙ ሰው ተገረመና፣ “ለመሆኑ ለምን ተጨማሪ አታጠምድም?” አለው። ዓሣ አጥማጁም፣ “ብጨምር ምን አደርጋቸዋለሁ?” ሲል ጠየቀ። ሀብታሙ ሰው፣ “ትሸጣቸዋለህ፣ ከዚያም ተጨማሪ ገንዘብ ታገኛለህ” አለው። “በዚያ ገንዘብ ለጀልባህ ሞተር መግዛት ትችላለህ፣ ወደ ጥልቁ ባህር በመግባትም ይበልጥ ብዙ ዓሣ ማጥመድ ትችላለህ። ብዙ ገንዘብ ስታገኝ የተሻሉ መረቦችን ትገዛለህ፣ ከዚያም ይበልጥ ብዙ ዓሣ አጥምደህ ታገኛለህ። በመጨረሻም የሁለት ጀልባዎች ባለቤት መሆን ትችላለህ… ምናልባትም ሙሉ የጀልባዎች ስብስብ (ቡድን) ይኖርሃል። ከዚያም ልክ እንደ እኔ ሀብታም ትሆናለህ!” ዓሣ አጥማጁም፣ “እና ከዚያስ ምን አደርጋለሁ?” ሲል ጠየቀው። ሀብታሙ ሰው ፈገግ አለና፣ “ከዚያማ ዘና ብለህ በህይወትህ ትደሰታለህ” አለው። ዓሣ አጥማጁም ወደ ሀብታሙ ሰው ትኩር ብሎ አየውና፣ “ታዲያ አሁን እያደረግኩ ያለሁት ምን ይመስልሃል?” አለው።

ሲራክ የክርስቶስ

Open In TikTok:

Region: ET

Friday 31 July 2026 11:50:31 GMT