@dailyreposts05: الكسرة الحقيقية مش بس إنه مشي وخلاص، الكسرة هي إدراكك البشع إن "الوعي ببيجي بعد الخراب".. إنك تبدأ تسأل وتندم وتتحسر بعد ما يكون اللي انكسر اتدمر تماماً، وبعد ما تكون الإيد اللي كانت ممدودة بالأمان اتسحبت للأبد. الوجع الألعن والأشد هو لما تبص للواقع وتكتشف إن الشخص اللي قسى، أو غدر، أو استغنى، كمل حياته عادي جداً ولا كأن فيه بني آدم بيموت في اليوم ألف مرة بسببه. تسأل نفسك: "هو بجد مفيش لحظة صدق بيقعد فيها مع نفسه؟ مفيش لحظة بيبص فيها في المراية ويجيله نغزة في قلبه على كل النقاء والحب اللي اترجموا بكسرة خاطر؟ إزاي قدر ينام مرتاح البال وهو سايب وراه حطام بني آدم كان بيشوفه هو الدنيا كلها؟" بس الحقيقة المرة اللي لازم تتقال جافة ومباشرة من غير تزويق: اللي يقدر يهون عليه أكتر شخص حبه، غالباً مبيقفش مع نفسه الأسئلة دي. لأن لو كان عنده النفاذ أو النقاء اللي يخليه يحس بوجعك أو يراجع نفسه، مكنش وصلك للحافة من الأول.. مكنش طفى النور في عينك ولا سابك بتغرق لوحدك. أنت اللي صاحب القلب النظيف اللي فاضل مأسور في الأسئلة، وأنت اللي بتدفع تمن نضافتك من صحتك وتفكيرك، بينما هو ساب الحكاية بكل قسوة وكمل.. وده في حد ذاته أكبر إجابة، وأكبر دليل إنك حاربت وعافرت في المكان الغلط تماماً. #repost #ريبوست

𝐉𝐔𝐒𝐓 . 𝐑𝐄𝐏𝐎𝐒𝐓

Open In TikTok:

Region: EG

Friday 31 July 2026 12:36:50 GMT