@ismail_media_official: Хиджабды кийип кайра чечүү – бул маселеге Ислам кандай карайт? Хиджаб – бул жөн гана кийим эмес, Аллах Тааланын момун аялдарга берген парз буйругу. Ошондуктан аны кийүү – ибадат, ал эми себепсиз чечип коюу – парзды таштоо болуп эсептелет. Аллах Таала мындай дейт: ««Момун аялдарга айт: ... жоолуктарын көкүрөктөрүнүн үстүнө түшүрүп жүрүшсүн.» (Ан-Нур, 31-аят.)» Хиджабын чечкен аялды дароо жаман көрүп же аны үмүтсүз абалда калды деп айтууга болбойт. Ал күнөө кылган болсо, тообонун эшиги ар дайым ачык. Аллах Таала мындай дейт: ««Эй, өздөрүнө зулум кылган пенделерим! Аллахтын ырайымынан үмүт үзбөгүлө. Чындыгында Аллах бардык күнөөлөрдү кечирет.» (Аз-Зумар, 53-аят.)» Пайгамбарыбыз ﷺ да: ««Ар бир Адам баласы күнөө кылат. Күнөөлүүлөрдүн эң жакшысы – тообо кылгандар.» (Тирмизи)» Ошондуктан мусулман адамдын милдети – айыптоо эмес, жакшы сөз менен насихат кылуу. Эгер кимдир бирөө хиджабын чечип алган болсо, бүгүн кайра кийсе, Аллахтын ырайымына үмүт кылсын. Эң чоң ката – күнөөнү улантуу же «мен үчүн кеч болуп калды» деп ойлоп калуу. Аллах үчүн ташталган ар бир кадам баалуу. Раббибиз бардык мусулман эже-карындаштарыбызга хиджабды сүйдүрүп, аны бекем сактоону жана акыркы демине чейин түз жолдо болууну насип кылсын. Аамин.

Исмаил Сафаров 👳🏻📚

Open In TikTok:

Region: KG

Friday 31 July 2026 13:42:00 GMT