((صوابی نارنجی میں بدنامی زمانہ اسرار محمد نے قرآن مجید پر ہاتھ رکھ کر توبہ کرلی )) تحصیل رزڑ کے گاؤں نارنجی میں مقامی اصلاحی جرگے کے زیرِ اہتمام ایک اصلاحی تقریب کا انعقاد کیا گیا، جس میں محلہ سید حانی کے رہائشی اسرار محمد ولد نیپاس محمد نے جرگے کے مشران اور مقامی عمائدین کی موجودگی میں مسجد میں قرآنِ مجید پر ہاتھ رکھ کر آئندہ ہر قسم کی غیر قانونی اور غیر اخلاقی سرگرمیوں سے مکمل اجتناب کرنے کا حلف اٹھایا۔ اس موقع پر اسرار محمد نے عہد کیا کہ وہ مستقبل میں منشیات، چوری، زنا یا کسی بھی دوسرے غیر قانونی اور معاشرتی برائی کے کام میں ملوث نہیں ہوں گے اور ایک ذمہ دار شہری کی حیثیت سے قانون اور معاشرتی اقدار کی پابندی کریں گے۔ اصلاحی جرگہ نارنجی کے مشران نے کہا کہ اس اقدام کا مقصد معاشرے سے برائیوں کا خاتمہ، نوجوانوں کی اصلاح اور علاقے میں امن و امان کو فروغ دینا ہے۔ جرگے کے مطابق، اگر اسرار محمد اپنے کیے گئے حلف کی خلاف ورزی کرتے ہوئے دوبارہ کسی غیر قانونی سرگرمی میں ملوث پائے گئے تو انہیں قانون نافذ کرنے والے اداروں کے حوالے کیا جائے گا تاکہ ان کے خلاف قانونی کارروائی عمل میں لائی جا سکے۔ اصلاحی جرگے کی اس کوشش کو معاشرتی اصلاح کی جانب ایک مثبت قدم قرار دیا اور امید ظاہر کی کہ اس سے معاشرے میں قانون کی پاسداری اور مثبت رویوں کو فروغ ملے گا۔ #inamzebofficial #Swabi #Naranji - @inamzebofficial