@meerhadiimengal: 🚨 بريڪنگ نيوز سجاول جوڻيجو ڀرسان خوفناڪ روڊ حادثو، وين ۽ ڪار ٽريڪٽر کي اوورٽيڪ ڪندي پاڻ ۾ ٽڪرائجي ويون، 2 معصوم ٻارڙا فوت، 7 عورتن سميت 12 ڄڻا سخت زخمي سجاول جوڻيجو ڀرسان پيش آيل هڪ افسوسناڪ روڊ حادثي ۾ وين ۽ ڪار ٽريڪٽر کي اوورٽيڪ ڪرڻ دوران پاڻ ۾ ٽڪرائجي ويون، جنهن جي نتيجي ۾ 2 معصوم ٻارڙا حياتي وڃائي ويٺا، جڏهن ته 7 عورتن سميت 12 ڄڻا سخت زخمي ٿي پيا. حادثي جي اطلاع ملندي ئي سجاول جوڻيجو ٿاڻي جي پوليس واقعي واري هنڌ پهتي. پوليس ٽيم ۾ شامل اي ايس آءِ خان لک زخمين جي امداد لاءِ فوري ڪارروائي ڪندي بهترين ڪارڪردگي جو مظاهرو ڪيو. هن همٿ ۽ ذميواري سان زخمين کي مختلف گاڏين ذريعي شهدادڪوٽ ۽ ميروخان اسپتالن ڏانهن منتقل ڪرايو، جتي کين طبي امداد فراهم ڪئي پئي وڃي. واقعي بابت وڌيڪ جاچ جاري آهي. رهواسين جو مطالبو علائقي واسين افسوس جو اظهار ڪندي چيو آهي ته سجاول جوڻيجو تعلقي اسپتال ۾ ايمبولينس موجود هجڻ باوجود به اهڙين ايمرجنسي حالتن ۽ خطرناڪ حادثن دوران وقت سر نه پهچندي آهي. هنن اعليٰ اختيارين کان مطالبو ڪيو آهي ته ايمبولينس عملي کان پڇاڻو ڪيو وڃي ته آخر اهڙن حساس موقعن تي هو ڪٿي موجود هوندا آهن ۽ عوام کي بروقت سهولت ڇو فراهم نٿي ڪئي وڃي. #BreakingNews #SajawalJunejo #SindhNews #TrafficAccident #RoadAccident