@shamsxo_20: بعد العملية بقيت يومين بالمستشفى، وكل ما أتذكر الموقف أكول لنفسي أكيد مو هو مستحيل. لحد ما صار الشي اللي خلاني أصدق إن القدر أحيانًا يكتب قصص ما تخطر على بال أحد جان ممنوع أي رجل يدخل لغرفتنا الزيارة كانت للنساء فقط. لكن هو اتفق ويه وحدة من الممرضات، وهي تحملت المسؤولية ودخلته. بوقتها ماما كالتلي أنزل أجيب أكل وبين ما يخلص المغذي أرجع وأمشيج شوي أول ما نزلت، ظلوا يراقبون الغرفة. وأنا غفيت شوية من التعب. فجأة سمعت الباب ينفتح بدون دك. غطيت وجهي باللحاف شفت اكو رجال وياها ، وكلت للممرضة شلون تدخلين هيچ بدون حتى تدكين الباب بصوت مرتبك كالت آسف بس لا تعلين صوتج نريد نفهمج وبهاي اللحظة سمعت صوته شمس جمدت بمكاني شمس اني فلان صحت بيه وكتله “وشنو يعني؟ منو إنت ابتسم وكال شمس نسيتيني بهاللحظة حسيت الدنيا كلها دارت بيه هبوط رجفة ألف سؤال براسي معقولة هو؟ معقولة هاي حقيقة؟ لو بعدني أحلم شافني ارتبكت نطاني مي وكال اهدئي بس أريد أحچي وياج كلمتين قبل لا يجي أحد وبعدين صفن بوجهي وكال وعد هاي المرة ما راح أخليج تروحين من إيدي. بس اصبري عليه وكلشي راح يصير بوقته وبعدين كال أريد أي شي يخصج يبقى عندي حتى أبقى متأكد إن هاي مو آخر مرة أشوفج ما عرفت شأكله جنت بين الفرحة، والصدمة، والخوف. كل خوفي خاف أحد من أهلي يدخل ويشوفه. وفجأة دخلت الممرضة تركض امج صعدت انهرت ودموعي نزلت غصبًا عني وكلتله بسرعة اطلع بسرعه راح تصير مشكله كال راح اطلع بس وعد ماخليج بعد تروحين مني وطلع بسرعة، والممرضة سدت الباب وراه، وكأن ما صار شي دخلت أمي بعد ثواني وشافت دموعي، سألتني “ليش تبجين؟ يوجعج الجرح كتلها اي شوي بس الحقيقه مو الجرح هو اللي جان يوجعني. اللي وجعني إن القدر رجّع شخص غاب عني سنين واختار أغرب مكان حتى يجمعنا مرة ثانية #اكسبلورexplore #الشعب_الصيني_ماله_حل😂😂 #قصص #حب #كربلاء

𝕊𝕙𝕒𝕞𝕤

Open In TikTok:

Region: IQ

Friday 31 July 2026 15:00:15 GMT