@dad.sirri: Naxçıvan mətbəxindən – Arzuman küftəsi 🇦🇿🇦🇿 Arzuman küftəsi Naxçıvan mətbəxinin zəhmət və ustalıq tələb edən qədim yeməklərindəndir. Bu resepti tamamilə ənənəvi üsulla – əti, noxud ləpəsini, düyünü və soğanı daşda döyərək hazırladım. İnqrediyentlər: • 1,5 kq yağlı qoyun bud əti • Az miqdarda dana bud əti • ½ stəkan noxud ləpəsi • ½ stəkan yumru düyü • 1 baş soğan • 4 ədəd yumurta • 1 ədəd kənd beçəsi • 10–15 ədəd alça qurusu • Bir neçə ədəd albuxara • Qurudulmuş qara reyhan • Qurudulmuş məzrə • Qurudulmuş nanə • Sarıkök • Duz • Qara istiot • Zəfəran • Alça turşusu Hazırlanması: Əti, noxud ləpəsini, düyünü və soğanı daşda döydüm. Üzərinə qurudulmuş nanə, məzrə, qara reyhan, sarıkök, duz, qara istiot və 2 yumurta əlavə edib uzun müddət yoğurdum. Kənd beçəsini ayrıca bişirdim, uzərinə alça turşusu, zəfəran, duz və qara istiotla qarışdırıb cəkdim . İçərisinə albuxara, alça qurusu və 2 ədəd suda bişmiş yumurta yerləşdirdim. Hazırladığım ət kütləsini beçənin üzərinə çəkib tam örtdüm, marlaya bükərək forma verdim. Daha sonra duz, zəfəran, albuxara və alça qurusu əlavə etdiyim ət bulyonunda təxminən 1 saat bişirdim.

Dad.Sirri

Open In TikTok:

Region: AZ

Friday 31 July 2026 15:34:42 GMT