Abbaakoo, firoottankoofi hidda dhalootakoo naaf barbaadaa ja'a obboleeysi keenya kun! Haadhatoo malee Abbaakoo, Adeeraafi Eeysumakoo, akkoof akaakoowwan koo, adaadaafi haboos walumaa gala firoottan koo, warraan irraa argame hidda dhalootaa koo ijaan arguuf carraa hin arganne, eeysa akka tahan illee hin beeku, baruun barbaadaa naaf barbaadaa jechuun jalqaba. Maqaan kiyya #Mohammed_Sheikh_Kaliif_Abaadir'n jedhama. Maqaan harmee tiyyaa #Faaxumaa_Abdulmajiid jedhamti. Ani guddadhee kaniin itti of bareefii sadarkaa kana gahe Baalee Bahaa Aanaa Gololchaa Magaalaa Dinsaatti jedha. Maatii guddifachaa koo obbo #Mohammed_Abdurqee fi haadha manaa isaa #Zeeytuu_Ahmed Yeroo umriin koo barumsaaf gahu akkuma dhala isaaniitti mana barumsaa sadarkaa 1ffaa Dinsaa na galchan. Barumsa koo tokko jedhee jalqabee kutaa 7'ffaa yeroon turettiin maatiin koo, warri na dhalan, hiddi dhalootaa kootii eenyu? Eeysa? Jechuun iyyaafachuu jalqabe, ta'ullee ragaa quubsaa argachuu hin dandeenye, haati tiyya anaa daa'imaa duute, yeroo isiin duutu ani daa'ima, miirri rifaatuulleen natti hin dhagahamne, osoo isii awwaalaa jiraniin ani joollee wajjiin taphadha. Warruma ganda saniitu mucaa daa'ima kana akkam goona ja'anii waliin marihatanii warrumti Haati tiyya biratti duute san na guddisan, haaluma saniiniin barumsa diinis barachaa barnoota saayinsiitis baradhe, bara 2017'n qormaata biyyooleessaa kutaa 12'ffaa xumure. Akka carraa qabxiin seensa yunivarsitii naaf hin dhufne. Akka nama tokkootti koolleejjii dhuunfaa seenee barachuuf fedhii qabaadhullee nama tokko kan yaadaafii qarshiidhaan na deeggaruufi na jajjabeessu of biraa dhabuun hedduu hamilee na cabsite, hangaan jireenya addunyaa kanarraa abdii muradhu takkaan gahe jedha obboleessi keenya kun. Itti fufuudhaan haalaan keessa jiru hiriyaa koo kan waliin barachaa turre kan maqaan isaa Sa'aad Sheikh Seyid jedhamuuf bilbileen itti hime akkaan maatii koo baruu barbaadu, inniis Harargee lixaatti yuunivarsitii Odaa Bultum barachaa waan tureef hiriyoota isaa kan achitti wal baraniin walitti na kenne jedha. Haadhaaf Abbaan koo Harargee ta'uu isaanii maatii na guddifate irraahin dhagaye, haati koo anaa daa'imaa ukatti na baadhattee Harargee irraa Baaletti naan godaante, sababa isiin manaa itti baate yeroo himan akka obboleessi koo guddaan ani irratti dhaladhe qilee bu'ee du'uu isaatiin naasuudhaan akka manaa baate himan. Waa'ee Harmee kootii maqaan ishee Faaxumaa Abdulmajiid fi gosti isii Anniyya(Anniyya keessa Bidu) ta'uu malee waaniin bare hin qabu. Waa'ee Abbaa kootiis maqaan isaa Sheikh Kaliif Abaadir fi gosti isaa sadacha tahuu malee waaniin beeku hin qabu. Walumaa galatti akkuma olitti ibsuuf yaale Haati koo anaa daa'imaati fuula Rabbii deemte, Abbaan koo lubbuun jiraachuu fi jiraachuu dhabuu isaas hin beeku. Kanaafuu Adeerrankoo, firoottan koo, Abbaakoo fi firoottan gama Harmee tiyyaatis tahee hidda dhalootaakoo hunda baruun barbaadaa naaf barbaadaa, naaf iyyaafadhaa ja'a obboleeysi keenya👌🥺😭 Maxxansi kun yeroo isin bira gahe xiyyeennaan dubbisaatii #share godhaa waliif qoodaa tarii nama maatii nama kanaa beeku yookiin firoota isaa ta'e bira gahuu danda'a waan ta'eef. Mee hoggu takka yaadaan bikka isaa kana of buusaatii akka mucaan kun keeysa jiru laalaa, xiinxalaa miira inni keessa jiru hubadhaa. Wly waan akka malee ulfaatu, waan hedduu namatti dhagahamuudha. Warreen miidiyaa hawaasaa kana gubbatti hordoftootaafi dhageettii qabdan hundi Rabbiif jecha maatii mucaa kanaa barbaadaafii wal qunnamsiisaa, hanga dandeeysanitti irratti hojjedhaaf jechuuniin yaada kiyya goolaba! Barruu kana hanga dhumaatti dubbisaatii godhaa! Galatoomaa!🥺🙏 0931551578 kun Bilbiila isaati! - @salahaddiinabdii