کراچی کھارادر میں واقع کتیانہ میمن ہسپتال نے غریبوں کے ساتھ لوٹ مار کا بازار گرم کردیا اسپتال کے نام پر کسائی کھانا قائم کھلے عام دونوں ہاتھوں سے لوٹ مار ویلفئر کے نام سے قائم ہسپتال صرف پیسے کمانے کی مشین بن گئی کراچی کے علاقے کھارادر میں قائم کتیانہ میمن اسپتال ایک بار پھر سنگین الزامات کی زد میں آ گیا ہے۔ بلوچستان سے تعلق رکھنے والی 22 سالہ مریضہ سمیہ کے اہلِ خانہ نے دعویٰ کیا ہے کہ علاج کے نام پر ان سے لاکھوں روپے وصول کیے جانے کے باوجود مزید رقم طلب کی گئی، جبکہ اضافی ادائیگی نہ کرنے پر مریضہ کو جناح اسپتال یا سول اسپتال منتقل کرنے کا کہا گیا۔ اہلِ خانہ کے مطابق مریضہ کے علاج کی مد میں اب تک 2 لاکھ 20 ہزار روپے اسپتال انتظامیہ کو ادا کیے جا چکے ہیں، تاہم اس کے باوجود مزید رقم کا مطالبہ سامنے آیا۔ ان کا کہنا ہے کہ مالی مشکلات کے باعث وہ اضافی رقم ادا کرنے سے قاصر تھے، جس پر انہیں علاج جاری رکھنے کے بجائے مریضہ کو دوسرے سرکاری اسپتال منتقل کرنے کا مشورہ دیا گیا۔ لواحقین نے مؤقف اختیار کیا کہ اگر کوئی ادارہ ویلفیئر اور عوامی خدمت کے دعوے کرتا ہے تو وہاں مستحق اور غریب مریضوں کو مالی دباؤ کا سامنا نہیں ہونا چاہیے۔ ان کے مطابق اگر ان کے الزامات درست ثابت ہوتے ہیں تو یہ معاملہ نہ صرف انسانی ہمدردی بلکہ طبی اخلاقیات کے حوالے سے بھی انتہائی تشویش ناک ہے۔ متاثرہ خاندان نے وزیرِ صحت سندھ، سیکریٹری صحت اور انسانی حقوق کے اداروں اور دیگر متعلقہ حکام سے مطالبہ کیا ہے کہ معاملے کی فوری، غیرجانبدارانہ اور شفاف تحقیقات کرائی جائیں، تمام حقائق عوام کے سامنے لائے جائیں اور اگر کسی قسم کی غفلت یا بے ضابطگی ثابت ہو تو قانون کے مطابق ذمہ داروں کے خلاف کارروائی عمل میں لائی جائے - @dailynawaiwafaq