@zbc_zanzibar: Wakati changamoto ya ajira ikiendelea kuwakabili vijana wengi nchini, hali ni tofauti kwa vijana wanaofanya kazi katika Shamba la Viungo Mwera Pongwe, Zanzibar, ambapo wamepata fursa za ajira zinazowawezesha kujipatia kipato na kujitegemea kiuchumi. Wakizungumza na ZBC, vijana hao wamesema mbali na kushiriki katika shughuli za utengenezaji wa kofia za asili na bidhaa nyingine zinazovutia watalii, kazi wanazozifanya zimekuwa chanzo cha kipato kinachowasaidia kukidhi mahitaji yao pamoja na familia zao. Aidha, wamesema sekta ya utalii imekuwa daraja muhimu la kufungua fursa za kiuchumi kwao. Vijana hao pia wametoa wito kwa wenzao kutumia fursa zilizopo katika sekta za kilimo na utalii kwa kujiajiri na kujitafutia kipato, badala ya kusubiri ajira za Serikali pekee. Wamesisitiza kuwa hatua hiyo itasaidia kupunguza umaskini, kuboresha maisha na kuwaepusha vijana na vitendo vinavyoweza kuhatarisha mustakabali wao. 📹 Mwandishi: Asha Hassan #ZBCUpdates

ZBC Zanzibar

Open In TikTok:

Region: TZ

Saturday 01 August 2026 11:10:50 GMT