ዓለም ገዛ ኽራይ እያ፦ ካብ ድምቀት ስነ-ጥበብ ክሳብ ትሕትና ህይወት ኣብቲ ጥርዚ ዝናን ድምቀትን ዝነበረሉ እዋን፣ ብጥዑም ድምጹ፡ ብምዑዝ ግጥምታቱን ብዘይተደጋገሚ ዜማታቱን ንልብና ዘሐጉስን ዘዘናግዕን ዝነበረ ንጉስ ጥበብ—ድምጻዊ ጣኒቆ ሎሚ ብኻልእ ገጽ ህይወት ንርእዮ ኣለና። እወ፣ ህይወት ከምዚ እያ፤ ትማሊ ንሰማይ ንበጽሕ ንመስል፣ ሎሚ ድማ ስጋን ድኻም ዓለምን ይስምዓና። ህይወት ከም ዑደት እያ፦ ሰብ ቆልዓ ኮይኑ ይውለድ፣ ይዓቢ፣ ይምሃር፣ ይጉብዝ፣ ብተፈላለየ ዓውድታት ተመራሚሩ ንዓለም የደንቕ። ጻዕሪ ወድሰብ መወዳእታ የብሉን። ይኹን እምበር፣ መወዳእታ መገዲ ኩልና ሓደ እዩ። ስጋና ይደክም፣ ይኣርግ፣ ኣብ መወዳእታ ድማ ናብቲ ዝመጸሉ ሓመድ ይምለስ። እዚ ሓቂ እዚ ኩልና ክንዝክሮ ዝግብኣና ዓብዪ ትምህርቲ እዩ። እዛ ዓለም ገዛ ኽራይ እያ! ከምቲ ጣኒቆ ብጥዑም ዜማኡ ዘዘኻኽረና ዝነበረ፣ ዓለም ቀዋሚት መንበሪት ኣይኮነትን። ንግዝያኡ ተሓጒስናላን ተጻዊትናላን ንሓልፈሉ መገዲ እያ። ስለዚ፣ ኣብዛ ሓጻር ዕድመ ክንገብሮ ዝግባኣና ዓብዪ ነገር እንተሃልዩ፦ ምፍቃር ምሕጋዝ ተደጋጊፍካ ምውጻእ ጥራይ እዩ። ንፍቁር ሓውና ድምጻዊ ጣኒቆ፣ ነቲ ዘሕለፎ ጥዑም ግዜን ዘበርከቶ ስነ-ጥበብን እናዘከርና፣ "ጎይታ ምሕረቱ ይውርደልካ" ንብሎ። ጥዕናኻ ተመሊሱ፣ ከምቲ ቀደምካ ተሓጒስካን ኣሕጒስካን ክንርእየካ ናይ ኩልና ትምኒት እዩ። ኣምላኽ ዕድመ ምስ ጥዕና ይዓድልካ። ንሕና’ውን ካብዚ ንመሃር፤ ሎሚ ብህይወት ከለና ንሓውና ንፍቶ፣ ብፍቕሪ ድማ ንንበር። ኣምላኽ ምሕረቱ ይውርደልካ ሓውና ጣኒቆ! 🙏✨ - @aligey18