ختم تو میں کب کی ہو جاتی، وہ تو مجھے اِک دوست نے سنبھال رکھا ہے، جب ٹوٹ کر بکھرنے لگی ہر اک سانس، اُس نے میرا حوصلہ تھام رکھا ہے۔ وہ جانتی ہے میرے خاموش لہجوں کو، میری آنکھوں میں چھپے ہر سوال کو، میں لفظوں سے انکار بھی کر دوں اگر، وہ سمجھ لیتی ہے میرے حال کو۔ جب دنیا نے منہ موڑ لیا مجھ سے، اور اپنے بھی اجنبی بن گئے، وہ ایک لڑکی سایہ بن کر آئی، میرے سب اندھیرے روشن کر گئی۔ نہ اُس نے میرے زخم گنے، نہ میری کمزوریاں سنائیں، بس ہر بار میرا ہاتھ تھاما، اور جینے کی وجہ بن گئ ۔ میں جب بھی خود سے ہار گئی، وہ میری جیت کا یقین بنی، میں جب بھی آنسوؤں میں ڈوبی، وہ میری دعاؤں کا آمین بنی۔ رشتے تو بہت ملتے ہیں دنیا میں، مگر ہر رشتہ وفا نہیں ہوتا، دوستی اگر سچی نصیب ہو جائے، تو انسان کبھی تنہا نہیں ہوتا۔ وہ کہتی ہے، "ابھی مت ٹوٹنا، ابھی بہت سے خواب باقی ہیں،" اور میں ہر بار مسکرا دیتی ہوں، کہ شاید واقعی کچھ جواب باقی ہیں۔ وہ دوست نہیں، رب کی رحمت ہے، جو ہر درد میں ساتھ کھڑی رہی، ورنہ میری ہنسی تو کب کی مر جاتی، صرف سانسیں ہی چلتی رہیں۔ میرے لبوں کی خاموش دعا میں، اُس کا نام ہمیشہ شامل رہتا ہے، کہ اللہ ہر اُس دوست کو سلامت رکھے، جو بےغرض ساتھ نبھاتا ہے۔ اگر آج میں زندہ ہوں، تو صرف اپنی طاقت سے نہیں، کسی کے خلوص، کسی کی دعا، اور کسی کی سچی دوستی سے ہوں۔ ختم تو میں کب کی ہو جاتی، وہ تو مجھے اِک دوست نے سنبھال رکھا ہے، میرے ٹوٹے ہوئے وجود کو، محبت سے جوڑ رکھا ہے۔ ایسے دوست قسمت والوں کو ملتے ہیں، جو خود اندھیروں میں رہ کر بھی، دوسروں کے لیے چراغ جلائے رکھتے ہیں😭💯🙌 علیزے❤️ #alizeywrites @-🕊 - @beparwa_heer06