مكرونة عليان 😂 طبعاً مثل ما قالت أم عليان مستحيل تطلع بلذة صينيتها 😂💔 لكن سويت طريقة لذيذة وإن شاء الله تعجبكم زي ما عجبتني أنا وأهلي 🙂‍↔️🤍 - تتبيلة الدجاج * صدرين دجاج مقصصين مكعبات * نص ملعقة صغيرة بابريكا، بودرة ثوم وبصل، بهارات إيطالية، كيجون، ملح وفلفل أسود * شوي زيت زيتون - نتبل الدجاج بكل المكونات ونخليه يتبل أقل شيء ٣٠ دقيقة. - في طاوة حارة، نحمر الدجاج لين يستوي ويأخذ لون، وبعدها نخليه على جنب. - الصوص الأحمر * نص بصلة مقصصة صغار * حبة فلفل رومي مقصصة صغار * مشروم مقصص * ٣ فصوص ثوم مفروم * ملعقة كبيرة ونص معجون فلفل بارد * ملعقتين كبيرة جبنة كريمية * ثلث كوب صلصة باستا جاهزة * ربع كوب من موية سلق الباستا * ملعقة صغيرة بهارات إيطالية، بابريكا، كيجون، ملح وفلفل أسود * باستا مسلوقة - بنفس طاوة الدجاج، نحمس البصل لين يذبل وبعدها نضيف الفلفل الرومي وبعده المشروم ونحركهم لين يطرون وثم نضيف الثوم ونحمسه شوي. - نضيف معجون الفلفل، الجبنة الكريمية، صلصة الباستا، موية الباستا والبهارات، ونخلط لين يتجانس الصوص. - آخر شيء نضيف الدجاج والباستا ونخلطهم مع الصوص. - البشاميل * كوب كريمة طبخ * ١٥٠ مل قشطة * ملعقتين كبار جبنة سائلة * ملعقة كبيرة نشا * نص ملعقة صغيرة من نفس البهارات اللي استخدمناها فوق - بقدر بارد نحط كل المكونات ونخلطها. - بعدها نرفعها على نار متوسطة مع التحريك المستمر لين يثقل القوام، وبعدها نشيله من على النار. - باقي المقادير * جبنة موزاريلا * كزبرة مفرومة * فلفل مجروش - بصينية الفرن نحط شوي من البشاميل بالقاع. - نضيف خليط المكرونة ونرصه بالملعقة. - نوزع باقي البشاميل على الوجه. - نغطي الصينية بالقصدير وندخلها فرن على حرارة 350°F لمدة ٢٥ دقيقة. - بعدها نشيل القصدير، ونضيف الموزاريلا والكزبرة والفلفل المجروش، وندخلها تحت الشواية لين تذوب الجبنة وتتحمر. وبالعافية 🤍 #pasta #باستا #وصفات #recipes #food - @aisha.alharbi95