⚡️Белградтағы жұмбақ өлім: Амираның күнделігін жариялаған жігітке жұрт неге сенбейді... Белградта жұмбақ жағдайда қаза тапқан 19 жасар қазақстандық Амира Қанаттың өліміне қатысты жаңа жайттар жария болды. Марқұм тұрған пәтердің иесі Влад есімді жігіт өзіне тағылған күдікті жоққа шығарып, оқиғаның өз нұсқасын ұсынды. Алайда оның Амираның жеке күнделігін көрсетуі желіде қатты сынға ұшырады, деп хабарлайды Ertenmedia.kz. Владтың баяндауынша, ол Амирамен Белградтағы пабтардың бірінде танысқан. Қыздың баспана мәселесі туындағанын білгесін, уақытша өз үйінде тұруға ұсыныс жасаған. Екеуі 21–26 шілде аралығында бірге тұрған. Қайғылы оқиға күні Амира анасымен оңаша сөйлесу үшін оны пәтерден шығуын өтінген. Кейін Влад ұмытып кеткен микрофонын алуға қайта оралғанын жеткізеді. «Амира орындықта арқасын беріп отыр екен. Мен микрофонды алып, бірнеше сағатқа кететінімді айттым. Ол темекі шегетінін айтып, балконның есігін ашты да, қоршаудан асып құлап кетті. Бәрі көз алдымда болды», – деп түсіндірді ол. Жігіт оқиғадан кейін дереу төменге түсіп, жедел жәрдем мен полиция шақырғанын алға тартады. Дәрігерлер қыздың сол жерде көз жұмғанын тіркеген. Пәтерді тексеру барысында Амираның жеке күнделігі табылған. Влад ондағы жазбалар марқұмның стрессте жүргенін, ата-анасымен араздасқанын, өзіне қол жұмса..ысы келгенін және мұндай ой онымен танысқанға дейін де болғанын көрсетеді деп санайды. Күнделіктің желіге тарауы жұрттың ашуын күшейтті. Көпшілік марқұмның жазбасын өзін ақтау құралына айналдыруды арсыздық деп бағалап, материал тергеу органы мен отбасының қолында қалуға тиіс екенін жазуда. Амираның туыстары жігіттің нұсқасына сенбейді. Олардың сөзінше, қыздың қаза тапқаны туралы хабар отбасына сол күні жетпеген, алғашқы ақпар жалған парақшадан келген. Жақындары жігіттің сөзінен қайшылық байқағанын, Амираның болашаққа жоспары болғанын және шетелде білім алуды армандағанын айтуда. Марқұм Сербияға Work and Travel бағдарламасымен барған. Кейін сапарды рәсімдеді делінген компанияның мүлде болмағаны анықталған. Амираның әкесі қазір Сербияда. Қазақстанның СІМ-і Сербияның полициясымен бірге оқиғаның мән-жайын анықтауда. 👉Толығырақ телеграм арнамызда. Сілтеме профильде. - @ertenmedia