سناك مقرمش، وبديل رائع للخبز… كراكرز البذور 😍👌 تابعوني إذا أول مرة بتشوفوا حسابي 🌺 اليوم رح شارككم سناك كتير طيب، نكهته بتشبه المناقيش، وخصوصًا مع صحن لبنة وكاسة شاي 😍👌 مناسب لمرضى السكري، وكمان للدايت، ومشبع ولذيذ. المقادير: * كوب بذور كتان * نصف كوب بذور شيا * 3 ملاعق طعام سمسم ني * ملعقتان طعام بذور يقطين * 3 ملاعق طعام بذور دوار الشمس * ملعقتان طعام زيت زيتون * 500ml ماء ساخن (بعادل كوبين مقاس) البهارات: * رشة ملح * نصف ملعقة صغيرة بابريكا * ملعقتان طعام زعتر سوري، وممكن نستبدله بملعقة طعام أوريغانو 👍🏻 طريقة التحضير: بزبدية بنزل بذور الكتان وبذور الشيا، وبضيف عليهم الماء الساخن، وبحركهم كتير منيح. بغطي الزبدية وبترك البذور حوالي 15 دقيقة، حتى تطلع المادة الهلامية الموجودة فيها ويتماسك الخليط. بعد ما تتماسك البذور، بضيف السمسم، وبذور دوار الشمس، وبذور اليقطين. وبعد إضافة كل نوع، بحرك منيح حتى تختلط المكونات مع بعضها وما تلزق ببعض. بعدها بضيف الملح، والبابريكا، والزعتر أو الأوريغانو، وبحرك، وآخر خطوة بضيف زيت الزيتون وبحرك مرة أخيرة، وهيك بتكون العجينة جاهزة. بصينية فرن مبطنة بورق زبدة، برش شوي من زيت الزيتون، وبفرد العجينة بطبقة رقيقة ومتساوية. ملاحظة: كل ما كانت العجينة أرق، استوت وقرمشت بشكل أسرع وأفضل. 👌 بعد فرد العجينة، بقطعها لمربعات، وبخبزها بفرن محمى مسبقًا على درجة حرارة 180 حتى تنشف، وتتماسك، وتصير مقرمشة. ملاحظة: مدة الخبز بتختلف حسب نوع الفرن وسماكة العجينة، وممكن تتراوح من 20 دقيقة إلى 30 دقيقة، وإذا كانت القطع أسمك ممكن تحتاج وقت أطول. بعد ما تستوي الكراكرز، بطلعها من الفرن وبتركها تبرد تمامًا، وبعدها بنقدمها مع الفطور، أو مناخدها كسناك بين الوجبات. طعمها كتير طيب ومشبعة. 👌 بتمنى تجربوها وتعجبكم، وألف صحة وهنا على قلبكم إذا جربتوها. 🫶🏻 🌺🌺🌺 #سناك #سناك_صحي #سناكات #اكسبلورexplore #وصفات_صحية - @wafaa.a.horakli