@hamnwa8: د رسول الله ﷺ له وفات وروسته، حضرت بلال (رض) به د مدینې منورې په کوڅو کې ګرځېده او خلکو ته به یې ویل "ای خلکو! که تاسو چرته رسول الله ﷺ لیدلی وي، نو ما ته یې هم وښایئ." بیا یې وویل چې اوس په مدینه کې زما پاتې کېدل ګران دي، نو د شام ښار "حلب" ته ولاړ. تقریباً شپږ میاشتې وروسته یې په خوب کې د نبي کریم ﷺ زیارت وکړ، رسول الله ﷺ ورته فرمایل: "ما هذه الجفوة، يا بلال! ما آن لک أن تزورنا؟" ای بلاله! دا څه بې وفايي ده؟ ایا زموږ د لیدو وخت نه دی رارسېدلی؟ حضرت بلال (رض) چې له خوبه راویښ شو، سمدستي په اوښه سپور شو او د "لبیک یا سیدی یا رسول الله" نعرې یې وهلې او د مدینې په لور روان شو. کله چې مدینې ته داخل شو، لومړی مسجدِ نبوي ته ورغی او په ډېر شوق او تندې سره یې د رسول الله ﷺ لټون پیل کړ. کله به یې په جومات کې لټاوه او کله په حجرو کې؛ کله یې چې پیدا نه کړ، نو د سرورِ کائنات ﷺ په قبرِ انور یې سر کېښود او په ژړا شو. ویل یې: "یا رسول الله! تاسو ویلي وو چې راشه او ملاقات وکړه، غلام دې له حلبه ملاقات ته حاضر شوی دی." دا یې وویل او بې هوښه شو، تر ډېره وخته بې هوښه پروت و. په دې کې په ټوله مدينه کې خبر خپور شو چې د رسول الله ﷺ مؤذن حضرت بلال (رض) راغلی دی. د مدینې سپین ږیري، ځوانان او ماشومان راټول شول او عرض یې وکړ: "ای بلاله! یو ځل هغه اذان راواوروه کوم چې به دې د محبوبِ ﷺ په زمانه کې کاوه." حضرت بلال (رض) معذرت وغوښت او ویې ویل: "کله چې به ما اذان کاوه او د ’اشهد ان محمداً رسول اللہ‘ کلمو ته به ورسېدم، نو د رسول الله ﷺ په زیارت به مې سترګې یخېدې، اوس به دغه کلمې وایم نو چا ته به ګورم؟" بالاخره ځینو صحابه کرامو مشوره وکړه چې د حسنین کریمین (امام حسن او امام حسین رضي الله عنهما) څخه سفارش وشي، ځکه بلال (رض) د هغوی خبره نه شي ردولی. امام حسین (رض) د حضرت بلال لاس ونیو او ویې فرمایل: "يا بلال! نشتهی نسمع أذانک الذی کنت تؤذن لرسول اللہ ﷺ فی المسجد." ای بلاله! موږ نن ستاسو څخه هغه اذان اورېدل غواړو چې زموږ نیکه، د الله رسول ﷺ ته به دې په دې جومات کې کاوه. اوس حضرت بلال (رض) د انکار لاره نه لرله، نو په هماغه ځای ودرېد چېرته چې به یې د حضور ﷺ په ژوند کې اذان کاوه. د سیرت په کتابونو کې د اذان حال داسې بیان شوی دی: کله چې یې په لوړ غږ "الله اکبر الله اکبر" وویل، ټوله مدینه ولړزېده. کله چې یې "أشهد أن لا إلٰه إلا اللہ" وویل، په خلکو کې هیجان نور هم زیات شو. کله چې د "أشهد أنّ محمداً رسول اللہ" کلمو ته ورسېد، نو ټول خلک، حتی پرده ناستې مېرمنې هم له کورونو راووتلې. داسې عجیبه د ژړا او زارۍ منظره وه چې خلکو ویل ګني رسول الله ﷺ بېرته تشریف راوړی دی. د رسول الله ﷺ له وفات وروسته په مدینه کې داسې ورځ نه وه لیدل شوې چې دومره زیاتو خلکو پکې ژړلي وي.#viral #pashto #sad #foryou #fyp

📚✍️طوفان🥀🇦🇫

Open In TikTok:

Region: IR

Saturday 01 August 2026 17:16:25 GMT