@abdale05: Tan iyo dhallaannimadaydii kolkaan heeskaan maqlo waxaan la yaabi jiray sida saqdhexe iyo cadceeddi isugu imaan karaan oo uu abwaanku u adeegsaday.! Waayo dambe kolkii aan cilmiga xiddigaha, fagaagga sarre iyo bahcadceedeenna wax ka ogaaday ayaan garaystay sida uu abwaanku isugu xidhay suuradda inanta uu ammaanayo iyo ileyska cadceeddu ku iftiimiso bahcadceeddeenna. Marka uu abwaanku leeyahay, “Saqda dhexe cadceeddaa Dayaxaa sagaalka ah Siinaysay nuurkee” Wuxuu si suugaaneed u sawirayaa muuqaal aad u qurux badan misna u xeeldheer, saqda dhexe, marka Dayaxu badhtamaha cirka ka dhalaalayo ee ay Qorraxdu araggeenna ka qarsoon tahay, misna ay oogada Dhulka qeybta kale ee maalinka ah ay ifinayso, haddana nuurkeedu wuxuu inoo soo gaadhaa si dadban. Dayaxu waa dhagax heehaabaya fagaagga sare, mana laha ileys uu iskii ugu iftiimo, ileyska Qorraxda ee dhinaca kale kasoo haya ayuu qeyb kamid ah oogada dhulka qeybta habeenka ah kusoo celiyaa, sidaas ayuuna noola muuqdaa inuu isagu ifayo, in kastoo iftiinka aan aragno uu asal ahaan Qorraxda ka yimid. Quruxdaas iyo farshaxankaa Eebbe weyne ayuu abwaanku ka sameeyay suugaantaan quruxda badan. Waxa uu gabadha quruxdeeda ku mitaalayaa suuradda qorraxda iyo xidkaha carrada fog ka widhwidha habeenka. “ “Saqda dhexe cadceeddaa Dayaxaa sagaalka ah Siinaysay nuurkee Lagu wada soconaayiyo Suuradii xiddigahaay.” — Maxamed Ciise Ganey

SULDAN🇸🇱

Open In TikTok:

Region: SO

Saturday 01 August 2026 21:08:57 GMT