@zayartbz7.1: လောင်းလုံးတွင် ဖမ်းဆီးရမိသော Non-CDM ဝန်ထမ်း ဒုတိယအကောက်ခွန်မှူး ဖြိုးစံမှာ ပို့ဆောင်ရေးနှင့် ဆက်သွယ်ရေး ဒုတိယဝန်ကြီး အောင်မြိုင်၏ သားဖြစ်ကြောင်း စစ်ဆေးတွေ့ရှိရ ရန်ကုန်၊ ဩဂုတ် ၁ တနင်္သာရီတိုင်း၊ လောင်းလုံးမြို့နယ်တွင် တော်လှန်ရေးတပ်ဖွဲ့များ ဖမ်းဆီးရရှိသော အကြမ်းဖက် စစ်ကောင်စီလက်အောက်ခံ Non-CDM ဝန်ထမ်း ဒုတိယအကောက် ခွန်မှူး ဖြိုးစံမှာ စစ်တပ်၏ ပို့ဆောင်ရေးနှင့် ဆက်သွယ်ရေး ဒုတိယဝန်ကြီး အောင်မြိုင်၏ သားဖြစ်သည်ကို စိစစ်တွေ့ရှိရကြောင်း တနင်္သာရီတိုင်းစစ်ဌာန၊ နည်းဗျူဟာ ၃၃ မှ တာဝန်ရှိသူက ရန်ကုန်ခေတ်သစ်သတင်းဌာနထံသို့ ပြောဆိုသည်။ ဇူလိုင်လ ၂၀ ရက်နေ့က လောင်းလုံးမြို့နယ်၊ မောင်းမကန်ကမ်းခြေအနီးတွင် ပြည်သူ့ကာ ကွယ်ရေးတပ်မတော်၊ အမှတ် ၈၀၀၃ တပ်ရင်းက နယ်မြေရှင်းလင်းရေး ဆောင်ရွက်နေစဉ် စစ်တပ်လက်အောက်ခံ Non-CDM ဝန်ထမ်း ထားဝယ်မြို့နယ် ဒုတိယအကောက်ခွန်မှူး ဖြိုးစံ ကို ဖမ်းဆီးရမိခဲ့ခြင်းဖြစ်သည်။ အဆိုပါ ဖမ်းဆီးမှုမှာထားဝယ်မြို့နယ် အကောက်ခွန်ဦးစီးဌာနအတွင်းမှ ရရှိသည့် သတင်းပေးချက်များအရ ဆောင်ရွက်နိုင်ခဲ့ခြင်းဖြစ်ပြီး လက်ရှိတွင် ၎င်းအား ထိန်းသိမ်းထားကာ လူ့အခွင့်အရေးစံနှုန်းများနှင့်အညီ ဆက်လက် စစ်ဆေးလျက်ရှိပြီး ၎င်းစစ်ဆေးမေးမြန်းမှုများအရ ဖမ်းဆီးခံရသူ ဒုအကောက်ခွန်မှူး ဖြိုးစံ သည် ထားဝယ်ရေနက်ဆိပ် ကမ်းစီမံကိန်းနှင့် သဘာဝဓာတ်ငွေ့တူးဖော်ရေး လုပ်ငန်းများ၏ အခြေအနေများ၊ စက် ပစ္စည်းစစ်ဆေးရေး လုပ်ငန်းစဉ်များနှင့် ပတ်သက်၍ ပါဝင်ဆောင်ရွက်ခဲ့ကြောင်း ထွက်ဆိုထားသည်။ ဖမ်းဆီးခံရသူ ဒုအကောက်ခွန်မှူး ဖြိုးစံ၏ ဖခင်ဖြစ်သူ အောင်မြိုင်မှာ စစ်ကောင်စီ ပို့ဆောင်ရေးနှင့် ဆက်သွယ်ရေးဝန်ကြီးဌာနတွင် ဒုတိယဝန်ကြီးအဖြစ် တာဝန်ထမ်းဆောင်နေသူဖြစ်ကြောင်း၊ အောင်မြိုင်သည် ကြီးမြထွန်းဦး၊ လူမွန်၊ အောင်ကျော်ထွန်း တို့နှင့်အတူ လမ်းပန်းဆက်သွယ်ရေး ဆိုင်ရာ တာဝန်ယူထားသူဖြစ်ပြီး မင်းအောင်လှိုင်၏ ပြည်ပခရီးစဉ်များတွင်လည်း ပါဝင်လေ့ရှိသူဖြစ်ကြောင်း သိရှိရသည်။ အောင်မြိုင်သည် ရုရှားနိုင်ငံသို့လည်း သွားရောက်လေ့ရှိပြီး ရုရှားနိုင်ငံ၏ အဆင့်မြင့် ဆက်သွယ်ရေး၊ ဒစ်ဂျစ်တယ်နည်းပညာ၊ သတင်းအချက်အလက် လုံခြုံရေးဆိုင်ရာ နည်းပညာများ၊ ရုရှားကုမ္ပဏီများနှင့် နည်းပညာပူးပေါင်းဆောင်ရွက်နိုင်ရေးကို တာဝန်ခံ ဆောင်ရွက်နေသူလည်းဖြစ်သည်။ အောင်မြိုင်မှာ တရုတ်နိုင်ငံနှင့် ရထားလမ်း စီမံကိန်းများတွင်လည်း မြန်မာ-တရုတ် နှစ်နိုင်ငံအကြား ဆက်သွယ်မည့် မူဆယ်-မန္တလေး ရထားလမ်းစီမံကိန်း နှင့် ချင်းရွှေဟော်-မန္တလေး ရထားလမ်းစီမံကိန်း များအတွက် လမ်းကြောင်း ကွင်းဆင်းစစ်ဆေးမှုနှင့် ဒီဇိုင်းရေးဆွဲရေး လုပ်ငန်းစဉ်များကို ကြီးကြပ်ဆောင်ရွက်လျက်ရှိသည်။ "သူ့အ​ဖေက ဒု/ပို့​ဆောင်​ရေးဝန်ကြီးပါ။ အခုဖမ်းမိတဲ့သားက ဒု/အ​ကောက်ခွန်ဦးစီးမှုးပါ။ သူ့ရဲ့သားက ​ရေနက်ဆိပ်ကမ်း လုပ်ငန်းစတင်လည်ပတ်ဖို့ ​မြေပြင်အချက်အလက်ဆင်း​ကောက်တာပါ။ သူ့အဖေက မင်းအောင်လှိုင် လူယုံပေါ့။ ရုရှားတရုတ် ခရီးစဥ်​တွေမှာ အမြဲပါတယ်" ဟု တနင်္သာရီတိုင်းစစ်ဌာန၊ နည်းဗျူဟာ ၃၃ မှ တာဝန်ရှိသူက ပြောဆိုသည်။@ZayarTBZ 11 News @ZayarTBZ 7 News #မြန်မာသတင်းများ #စစ်တပ်ယုတ်မာမှုပေါင်းစုံငါတို့အသိဆုံး #ပြည်တွင်းသတင်း #zayartbz #ပြည်သူများဘေးကင်းကြပါစေ

ZayarTBZ 7.1News🍉

Open In TikTok:

Region: TH

Sunday 02 August 2026 01:19:13 GMT