@marialuveveryone: រឿង ផ្សងជួបគ្រប់ជាតិ ភាគ២២ [ស្អែកឡើង] មនុស្សម្នាចេញទៅរកសុីតាមធម្មតា រីឯបុស្បាក៏ដូចគ្នានាងចេញទៅផ្សារជាមួយច័ន្ទដូចតែរាល់ដង… «បងច័ន្ទ តើខ្ញុំគួរធ្វើម្ហូបអ្វីសម្រាប់លោកបងថ្ងៃនេះ?»ស្រីតូចញញឹមលូកដៃទៅចាប់បន្លែស្រស់ៗដែលទើបយកមកពីចម្ការថ្មីៗ។ «នាងខ្ញុំគិតថា ស៊ុបឆ្អឹងគោ ជួយប៉ូវកម្លាំង ដល់លោកហ្លួងផង ទាន!»ផាវិនញញឹមនាងយល់ថាល្អដែរតើ មិនរង់ចាំយូរនាងក៏សម្រេចចិត្តថាធ្វើតាមអ្វីដែលច័ន្ទប្រាប់តែម្ដងទៅ។ «ល្អតើ សម្រេចតាមបងចុះ!»ច័ន្ទញញឹមសប្បាយចិត្ត ពេលចៅហ្វាយនាយចាត់ទុកសម្ដីរបស់នាងមានតម្លៃ នរណាដែលថាមិនសប្បាយចិត្តនៅពេលដែលគេពឹងយើងហើយ យើងប្រាប់ទៅគេស្របតាមនោះ វាមានន័យថាសម្ដីរបស់យើងមានតម្លៃនេះឯង។ «ពួកយើងចូលទៅមើលក្រណាត់ របស់លោកពុកបន្តិចទៅ ខ្ញុំចង់កាត់ឱ្យលោកបងពីរ បីឈុតទុកថ្ងៃកម្មវិធី ក្នុងវាំងអាទិត្យក្រោយនេះ!»ច័ន្ទងក់ក្បាលបន្ទាប់ពីទិញបន្លែ និងឆ្អឹងគោរួចអ្នកទាំងពីរក៏ដើររកមើលក្រណាត់។ «បងវិន…ហិហិមករកក្រណាត់មែនទេ?»លំអងស្ដីឡើងរត់មកចាប់ដៃបងថ្លៃញញឹមញញែម នាងខានជួបផាវិនយូរហើយនឹកណាស់។ «ចា លំអងមកវិញតាំងពីពេលណាហេតុអីមិនទៅលេងបង?»ផាវិនអោនមុខចុះបន្តិចធ្វើជាអន់ចិត្តនឹងប្អូន លំអងអង្អែលដៃនាងថ្នមៗរួចក៏ពោលឡើង… «គឺប្អូនរវល់ ទើបមិនបានទៅលេងបង ចាំថ្ងៃនេះប្អូនទៅលេងបងចុះ ល្អទេ!»មានឆ្ងល់ទេលំអងបាត់ខ្លួនទៅណា? ការពិតនាងមិនបានបាត់ទៅណាទេ នាងគ្រាន់តែរៀនដេរប៉ាក់ រៀនដាំស្លអីដូចមនុស្សស្រីទូទៅធ្វើនឹងឯង គ្រាន់តែមិនបានដើរលេងក្នុងផ្សារដូចមុន តែចូលវ័យ១៦-១៨ដល់ពេលចូលម្លប់ទៀតហើយ។ «ចាស ថ្ងៃណាក៏បានបងនៅចាំ!»ផាវិនញញឹមដាក់ប្អូនថ្លៃ រួចអ្នកទាំងពីរក៏ដើររកក្រណាត់ស្អាតៗដើម្បី កាត់ធ្វើជាឈុតសម្រាប់ស្លៀក។ «តើលោកបងចូលចិត្តពណ៌អ្វីទៅ លំអង?»ដើររកក្រណាត់បណ្ដើរសួរប្អូនថ្លៃបណ្ដើររៀបការជាមួយនាយជិតមួយខែហើយ តែមិនដែលដឹងថានាយចូលចិត្តអ្វីមិនចូលចិត្តអ្វីផង តែនាយវិញ ដឹងពីនាងស្ទើរតែទាំងអស់។ «ពណ៌ក្រហមជាំ ឬទឹកក្រូចស្វើយ ព្រោះកាលនៅក្មេងៗ បើគ្មានឈុតពីរពណ៌នេះទេ គាត់សុខចិត្តអត់ស្លៀក!»ផាវិនឮហើយក៏អស់សំណើច កាលនៅក្មេងប្រុសម្នាក់នេះចរិតកែលែងឡើងហើយ ខូចហើយក្បាលរឹងទៀត។ «អឹម…!»ផាវិនងក់ក្បាល ដើររកពណ៌ទាំងពីរដែលប្អូនថ្លៃប្រាប់។ «និយាយអញ្ចឹងបង រកក្រណាត់ទុកកាត់ឱ្យលោកបងមែនទេ?»ផាវិនងក់ក្បាល លំអងងក់ក្បាលយល់ មិនសួរនាំបន្តព្រោះឃើញបងថ្លៃកំពុងផ្ដោតអារម្មណ៍លើសាច់ក្រណាត់។ បន្ទាប់ពីរកបានហើយនាងក៏ហុចប្រាក់ទៅឱ្យលំអង តែនាងមិនទទួលឡើយ ក្លាយជាសាច់ឈាមតែមួយទៅហើយ ប្រាក់បន្តិចបន្តួចប៉ុណ្នឹងមិនបាច់ឱ្យទេ។ «មិនបានទេ ពួកយើងរកសុីរាងៗខ្លួន បើឯងមិនយក តើបានប្រាក់មកពីណាទិញក្រណាត់ថ្មីៗមកទៀត នេះយកទៅ!»នាងចាប់ដៃលំអងដាក់ប្រាក់លើដៃគេ លំអងមិនអាចប្រកែកបានក៏ព្រមទទួលទាំងចិត្តមិនចង់។ «ខ្ញុំយកក៏បាន!»នាងធ្វើមុខជូរហួញ ព្រោះផាវិនមិនស្របតាមនាង។ «លោកពុកឱ្យនៅចាំ ហាងឬ?»លំអងងក់ក្បាល ផាវិនញញឹមរួចក៏លាប្អូនថ្លៃទៅផ្ទះវិញ។ [នៅតាមផ្លូវ] «បើលោកហ្លួងដឹង ថាអ្នកនាងគិតពីគាត់បានល្អិតល្អន់បែបនេះ គាត់មិនដឹងជាស្រលាញ់អ្នកនាងយ៉ាងណាទេ!»ស្រីតូចឮហើយក៏លួចញញឹមអៀនប្រៀន នាងមើលមុខច័ន្ទរួចក៏ស្ដីទៅកាន់នាង។ «បងបញ្ជោខ្ញុំមែនទេ?»ច័ន្ទគ្រវីក្បាល។ «ខ្ញុំនិយាយមែនណា អ្នកនាង!»ផាវិនអៀននាងដើរទៅមុខយ៉ាងលឿន ដើរមិនមើលផ្លូវក៏បុកទ្រូងមាំរបស់ឆៃយុទ្ធ តែមិនខ្លាំងទេ។ «អីយ៉ា ជួបគ្នាទៀតហើយស្រីល្អ សាច់សដូចចាន!»ប្រុសព្រានស្ដីឡើងដោយគ្មានរអៀសមាត់សូម្បីបន្តិច ផាវិនឮហើយនាងពិតជាស្អប់ និងធុញថប់បំផុតហើយ នាយម្នាក់នេះនិយាយអីមិនចេះប្រើខួរក្បាលគិតទេឬ បានជាព្រហើនយ៉ាងនេះ។ ស្រីតូចមិនមាត់នាងដើរវាងតែនាយនៅចាប់ដៃស្រីតូចជាប់ មិនព្រមលែង។ «អ្នកប្រុសដូចជាព្រហើន ច្រើនដងហើយ ចង់ដេកក្នុងទ្រុងដូចសត្វមែនទេ?»ឃើញសុភាពៗមិនមាត់ៗអញ្ចឹងទេ តែកុំមើលពេលនាងខឹងនាងស្ដីយ៉ាងម៉េចល្មមចុកចាប់ហើយ។ «អូហូ សូម្បីតែពេលខឹងក៏ យល់ថាស្អាតដែរ ប្រាប់បងបន្តិចមកមើលហេតុអីបានជាអូនស្អាត គ្មានកន្លែងទាស់បែបនេះ បុស្បាផាវិន?»ផាវិនរាងខឹងដែរតែបានឮនាយហៅឈ្មោះពេញរបស់នាងទៀត នាងរឹតតែខឹង ឈ្មោះនេះក្រៅពីស្វាមីនាង គ្មានបុរសណាហ៊ានហៅឡើយ បើហៅក៏ហៅឈ្មោះពេញដែរមិនមែនកំបុតៗដូចនាយនេះឡើយ។ «ខ្ញុំមិនដែលឃើញនរណា មុខក្រាសដូចអ្នកប្រុសពីមុនមកឡើយ សូមមេត្តាចៀសផ្លូវ បើស្វាមីខ្ញុំមកឃើញ លើកនេះខ្ញុំមិនធានាសុវត្ថិភាពរបស់អ្នកប្រុសទេ!»នាងស្ដីឡើងមុខមាំស្មើធេង មិនលេងសើច។ «គំរាមបងមែនទេ?»នាយចាប់កដៃស្រីតូចច្របាច់យ៉ាងខ្លាំង។ «អូយ…!»នាងស្រែកឈឺព្រោះមិនបានត្រៀមខ្លួនមុន។ «ព្រុស…!»សម្រឹបជើងធាក់ឆៃយុទ្ធពីក្រោយជាលើកទីពីរ លើកនេះមិនមែនធាក់ហើយឈប់ទេ នាយក្រាសក្របួចកអាវនាយដាល់យកៗ មុខមាត់របស់នាយស្ទើរតែខ្ទេច ខូចសម្រស់អស់ទៅហើយ តែផាវិនរហ័សទប់ទ្រូងស្វាមី ខ្លាចនាយវាតឆៃយុទ្ធដល់ស្លាប់។ «លោកបង…បានហើយ!»ស្រីតូចចូលទៅអោបស្វាមីអង្អែលខ្នងនាយថ្នមៗបន្ថយកំហឹង រាងក្រាសដកដង្ហើមញាប់ញ័រ មិញនាយខឹងខ្លាំងណាស់ វាហ៊ានធ្វើឱ្យភរិយានាយឈឺ វាត្រូវតែឈឺលើសនាងគុណទ្វេដង។ «អូនយ៉ាងម៉េចហើយ ឈឺខ្លាំងទេប្រពន្ធសម្លាញ់ បងសុំទោសមិនបានការពារអូនទាន់ពេល!»ស្វាមីក្រសោបមុខភរិយា ទាញនាងមកអោប… សូមរង់ចាំភាគបន្ត

@Long🐉[Yuan👶🏻]🌼✨

Open In TikTok:

Region: KH

Sunday 02 August 2026 02:56:28 GMT