ရင်သွေးဆီမှာ ရိုင်းစိုင်းတဲ့ အကျင့်တွေ ပါမသွားစေဖို့... ဒီအချက် (၃) ချက်ကို ချက်ချင်း ရပ်တန့်လိုက်ပါ ကလေးငယ်တွေဟာ ဘာက သင့်တော်လဲ၊ ဘာက မသင့်တော်ဘူးလဲဆိုတာကို မိဘတွေရဲ့ တုံ့ပြန်ပုံကနေတစ်ဆင့် နေ့တိုင်း သင်ယူနေကြရတာပါ ၁။ ဂျီကျ အော်ဟစ်နေချိန်မှာ အချိုသတ် ပွေ့ဖက်တာမျိုး လုံးဝ မလုပ်ပါနဲ့ ကလေး စိတ်တိုဒေါသထွက်ပြီး ရမ်းကားနေချိန် (သို့) မရိုမသေ ပြုမူနေချိန်ဟာ "မေမေ့ရဲ့ သည်းလေးရယ်..." ဆိုပြီး အချိုသတ်ပြောတာ၊ အလွန်အမင်း ပွေ့ဖက်ယုယတာမျိုး လုပ်ရမယ့် အချိန်မဟုတ်ပါဘူး အဲဒီလို အချိန်မျိုးဟာ "အနည်းဆုံး အထိအတွေ့/အပြုအမူ" နဲ့သာ တည်တည်ငြိမ်ငြိမ် တုံ့ပြန်ရမယ့် အချိန်ဖြစ်ပါတယ်။ နွေးထွေးတဲ့ အမူအရာနဲ့ ကြင်နာမှုတွေကိုတော့ ကလေး စိတ်အေးချမ်း ငြိမ်သက်သွားတဲ့ အခါမှသာ ထုတ်ဖော်ပြသပေးပါ ၂။ စူးစူးဝါးဝါး အော်ဟစ်လိုက်တာနဲ့ လိုချင်တာကို ချက်ချင်း မပေးလိုက်ပါနဲ့ အသံကုန် အော်ဟစ်လိုက်တာနဲ့ ကလေး လိုချင်တဲ့ ပစ္စည်းကို ချက်ချင်း လက်ထဲ ထည့်ပေးလိုက်တာမျိုး လုံးဝ မလုပ်ပါနဲ့ (အဲဒါဟာ အော်ဟစ်ရင် လိုချင်တာရတယ်ဆိုတဲ့ အသိကို ဆုချလိုက်သလို ဖြစ်သွား စေပါတယ်) အဲဒီအစား ကလေးရဲ့ အမူအရာကို အေးအေးဆေးဆေး စကြည့်ပြီး ဒီလို ရိုးရှင်းတဲ့ မေးခွန်းလေးတွေ မေးပေးပါ - "အချိန် ပိုလိုချင်လို့လား..." "ကစားလို့ ပြီးသွားပြီလား..." "သမီး/သား အလှည့် ရချင်လို့လား..." အဲဒီနောက်မှ တည်တည်ငြိမ်ငြိမ်နဲ့ ယဉ်ကျေးစွာ ဘယ်လို တောင်းဆိုရမလဲဆိုတာကို ကလေးကို ပုံစံပြ သင်ပေးပါ ၃။ ကလေးရဲ့ အစေခံလို အရာရာ လိုက်မလုပ်ပေးပါနဲ့ အထူးသဖြင့် ကလေးက ရိုင်းစိုင်းတဲ့ အမူအရာနဲ့ ခိုင်းစေလာတဲ့အခါမျိုးမှာ အလိုမလိုက်ပါနဲ့ အဲဒီအစား ဒီလိုမျိုး ပြောဆိုလေ့ကျင့်ပေးပါ - "အေးအေးဆေးဆေး ပြန်ပြောကြည့်ရအောင်..." "ယဉ်ယဉ်ကျေးကျေး လာတောင်းဆိုလို့ ရတယ်နော်..." "သမီး/သား ကိုယ်တိုင် သွားယူလို့ ရပါတယ်..." ဒါဟာ မိဘတွေဘက်က ကလေးအပေါ် ထားရှိတဲ့ မျှော်လင့်ချက် စံနှုန်းကို ပြသရာရောက်သလို၊ ကလေးမှာလည်း အဲဒီလို ယဉ်ကျေးစွာ ပြုမူနိုင်တဲ့ စွမ်းရည်ရှိတယ်ဆိုတာကို ယုံကြည်ပေးရာ ရောက်ပါတယ် ✨ မိဘများအတွက် စည်းကမ်းသတ်မှတ်တာဟာ ကလေးကို မချစ်လို့ မဟုတ်ပါဘူး... ကလေးငယ်တွေကို သင့်တင့်လျောက်ပတ်တဲ့ အပြုအမူတွေနဲ့ လူချစ်လူခင် ပေါများအောင် လမ်းပြပေးနေခြင်းပဲ ဖြစ်ပါတယ် 💛🌱 — Early Brain Builders #earlybrainbuilders #homelearning #parenting #journeyofagenius #maymaytomaymay - @earlybrainbuilders_ebb