ترامب يلغي الهجوم على إيران ويرجع في كلامه للمرة الألف إمبارح قلنا اللي يعمل مجنون علشان يخوفك هو خايف أكثر منك انت حضرتك بغض النظر عن ههبل وحماقة ترامب وإدارته اللي معيشين الناس في عالم سمسم كل اللي بيحصل دا عشان يفضل نظام (البترودولار) موجود امريكا وحلفائها لا يساووا شئ من غير البترودلار، دا أقوى تحالف عسكري سياسي اقتصادي في التاريخ المعاصر، وهو حاليا مهدد بالزوال لعدة أسباب: ركز معايا 1- إيران لو أحكمت سيطرتها على مضيق هرمز هتستبدل عملة الدولار باليوان الصيني ويصبح عملة متداولة عالميا ومهمة مرتبطة بنفط الخليج ( أسوأ كوابيس ترامب إن دا يحصل) لأن كل اللي عاوز يشتري نفط الخليج لازم يكون معاه يوان، وبالتالي لازم يشتري ويستثمر في الصين عشان ياخد يوان، فهيضطر يسحب سنداته في أمريكا ويحطها في الصين.. 2- إيران طردت تقريبا معظم قوات أمريكا من الخليج والعراق، قواعدهم في العديد، البحرين، الكويت، الأمير سلطان، جميعها فارغة أو شبه فارغة. سحب البنتاغون آخر القوات من أربيل العراقية والتنف السورية ناحية إسرائيل والأردن. القواعد والقوات دي هي اللي بتحمي نظام البترودولار..طردها يعني النظام ضعيف ويتهاوى، والثقة العالمية فيه بتهتز..والحماية الأمنية لاقتصاد أمريكا صارت من الماضي. 3- أمريكا سحبت جزء كبير من مخزونها الاستراتيجي من النفط..شهرين بس والمخزون هيفضى تماما وتنهار الامبراطورية الأمريكية في ظرف أيام مفيش حل غير فتح المضيق بالقوة أو بالمفاوضات لإنقاذ الاقتصاد الأمريكي، وبما إن إسرائيل مش عاوزة مفاوضات لأنها خايفة من المستقبل وقوة #ايران فالخيار الوحيد هو التصعيد والتهديد بالدمار الشامل لتخويف الإيرانيين. 4- انتصار إيران معناه انقلاب اقتصادي كبير في العالم وصعود سريع للبريكس وشنغهاي كحل لرؤوس الأموال لتأمين مدخراتهم، بعد اللي هيحصل في أمريكا من انفلات وفوضى نتيجة للاستهلاك العالي جدا اللي مش هيناسب حجم الإنتاج المتأثر بندرة الطاقة وتهديد طرق التجارة.. مش أول مرة ترامب يعمل فيها مجنون ونظام كتاكيييت بتاع عبدالفتاح القصري، دي تقريبا المرة 13 وفي كل مرة ينزل كلامه ويخاف يعمل..لأنه في الأخير اللي بيعمل عبيط عشان يخوفك هو خايف أكتر منك.. دول البريكس دلوقتي بتسِنّ سنانها وتستعد لانهيار البترودولار، ويتجهز البديل، اللي بيحصل في الخليج سرّع من عمليات إنهاء الدولار بشكل غير متوقع، لأنه في المعتاد المحللين قالوا من 10 - 20 سنة والنظام دا هينتهي، لكن اللي بيحصل دلوقتي بيقول كتيره سنة واحدة والنظام ينهار. التاريخ بيتغير..والمنطقة بتتغير، واللي تعرفه عن الشرق الأوسط في ال 50 سنة اللي فاتت خلاص أصبح ماضي. معدلات التضخم البسيطة والاقتصاد القوي في إسرائيل وأمريكا والخليج ستصبح من الماضي، وسيعانون زي ما معظم دول العالم عانِت من هذا النظام.. ولو سألتني عن الجولاني سأقول هو جاي مخصوص بضبط يحمي نظام البترودولار، وهو عضو أساسي فيه، ومن شوية هدد بالاعتداء على #العراق وفقا لقناة العربية بدعوى فصائل الحشد الشعبي، والقصد إن لو العراق شاركت في حفلة القضاء على البترودولار إحنا هنتدخل.. #الشعب_الصيني_ماله_حل #الخليج_العربي_اردن_عمان_مصر_تونس_المغرب #اخبار_اليوم - @ziad40526