අපේ අලුත්ම විශ්‍රාමිකයන් හතරදෙනා හඳුන්වා දෙන්නයි මේ. ❤️ Sonia, Jenny, Agar සහ Blackie අගෝස්තු 1 වෙනිදා නුවර පැවැත්වුණු නිල සුනඛ වෙන්දේසියේදී Tails of Freedom අපි භාරගත් සුනඛයන් හතරදෙනා. ඔවුන්ගේ සේවා කාලය දැන් අවසන්. ඉතින් ඔවුන්ගේ ජීවිතයේ ඊළඟ කාලය ආරක්ෂිතව, සුවපහසුවෙන් සහ ආදරයෙන් ගත කරන්න අවශ්‍ය රැකවරණය ලබාදීම දැන් අපේ වගකීමයි. ඒ වගේම මේ හතරදෙනාගෙන් මේ වැඩේ අවසන් වෙන්නේ නැහැ. ඉදිරියේදී සේවයෙන් විශ්‍රාම යන නිල සුනඛයන්ට ස්ථාවර සහ විශ්වාසදායක විශ්‍රාමික රැකවරණ ක්‍රමයක් ඇති කිරීම සඳහා අපි මේ වනවිට යෝජනාවක් සකස් කරමින් සිටිනවා. ඒ වෙනුවෙන්ම වෙන්වූ ස්ථානයක් සහ දිගුකාලීන රැකවරණ වැඩපිළිවෙළක් ගොඩනැගීමත් එම යෝජනාවේ කොටසක්. මෙය Tails of Freedom අපේ ප්‍රධාන වැඩසටහන් අතරින් එකක් බවට පත්කරගෙන, ඉදිරියේදී සේවයෙන් විශ්‍රාම යන තවත් සුනඛයන් වෙනුවෙන් මේ වගකීම දිගටම ගෙනයන්න අපි බලාපොරොත්තු වෙනවා. Sonia, Jenny, Agar සහ Blackieගේ විශ්‍රාම දිවියේ මේ අලුත් පරිච්ඡේදයට අපිත් එක්ක ඔබත් එකතු වෙන්න. 🐾 සැලකිය යුතුයි : පොලිස් නිල සුනඛ වෙන්දේසිය යනු අපේ රටේ පවතින නීතිය අනුව සිදු කළ යුතු දෙයක් මිස ලාභය තකා කරන ක්‍රියාවලියක් නොවෙයි. මේ සුනඛයන් විශ්‍රාම ගිය පසු ඔවුන් සම්බන්ධයෙන් කටයුතු කළ යුතු ආකාරය පොලිසියට හිතුමතේ තීරණය කළ හැකි දෙයක්ද නොවෙයි. රජයේ පවතින නීති, රෙගුලාසි සහ ක්‍රියාපටිපාටි අනුව පොලිසියටත් කටයුතු කරන්න වෙනවා. ඒවා වෙනස් කිරීමත් එක දවසකින් කරන්න පුළුවන් දෙයක් නොවෙයි. ඒ අනුව කාලයක් ගියත් පවතින ක්‍රමයට දොස් නගනවා වෙනුවට සතුන්ට වඩාත් හොඳ ක්‍රමයක් ගොඩනගන්න අපි බලාපොරොත්තු වෙමු. #srilanka #servicedogs - @tailsoffreedomsl