@del.roy93: မင်းက ခုမှ အသက် ၂၀ ပဲရှိသေးတာ... ဘာတွေ ဒီလောက် စိုးရိမ်မှုများနေရတာလဲ။ ပိုက်ဆံရှာဖို့ လောတယ်။ အောင်မြင်ဖို့ လောတယ်။ ကိုယ်ပိုင်အိမ်လေးတစ်လုံး ရဖို့ လောတယ်။ ဆွေမျိုးတွေ အထင်သေးမှာကို ကြောက်တယ်။ ချစ်တဲ့သူက ကိုယ့်ကို မစောင့်နိုင်တော့မှာကို ကြောက်တယ်။ ကိုယ့်ရဲ့ အောင်မြင်မှုက ကြာသွားရင် မိဘတွေကို ကောင်းကောင်းမထားနိုင်တော့မှာကို ကြောက်တယ်။ မင်းရဲ့ အစိုးရိမ်တွေ၊ ပူပန်မှုတွေ အားလုံးကို နားလည်ပါတယ်။ လူအများက ပြောကြတယ် ၂၀ ကျော်အရွယ်ဆိုတာ ဘဝရဲ့ အလှပဆုံးနဲ့ အပေါ့ပါးဆုံး အချိန်တွေပဲတဲ့။ ဒါပေမဲ့ တကယ်တမ်း အဲဒီအရွယ်ကို ရောက်လာတဲ့အခါ ထင်သလောက် မပေါ့ပါးမှန်း သိလာရတယ်။ တခြားသူတွေရဲ့ အောင်မြင်မှုတွေ၊ ပျော်ရွှင်စရာ ဘဝနေထိုင်မှုပုံစံတွေကို ကြည့်ပြီး "ငါကော နောက်ကျကျန်နေခဲ့ပြီလား" ဆိုပြီး တွေးမိလာတယ်။ တခြားသူရဲ့ ဘဝ Timeline နဲ့ ကိုယ့်ဘဝကို ခဏခဏ နှိုင်းယှဉ်မိလာတယ်။ ဒါပေမဲ့ တစ်ခုတော့ မေ့နေတယ်မလား...။မင်းဟာ သာမန်လူသားတစ်ယောက်ပဲလေ။ ပြီးတော့ မင်းက ဘာဖြစ်လို့ တခြားသူတွေရဲ့ ဘဝ Timeline နဲ့ လိုက်ပြီး နှိုင်းယှဉ်နေရတာလဲ။ လူတိုင်းက ဘဝပေးအခြေအနေချင်းမှ မတူတာ။အသက် ၂၀ ကျော်တာနဲ့ မဖြစ်မနေ အောင်မြင်ရမယ်လို့ ဘယ်သူမှ စည်းကမ်းချက် ထုတ်မထားပါဘူး။အောင်မြင်သွားရင်တော့ ကောင်းတာပေါ့။ ခုလက်ရှိမှာ မင်းဘာတွေ လုပ်ကိုင်နေလဲ... လမ်းတွေ ပျောက်နေတုန်းလား... ဘာဖြစ်ချင်မှန်း မသိဘဲ ဝေဝေဝါးဝါး ဖြစ်နေသလား...။ အဲဒီလို ဖြစ်နေလည်း ကိစ္စမရှိပါဘူး။ တစ်သက်လုံး ဒီလိုပဲ ဖြစ်နေမှာမှ မဟုတ်တာ။ ခုချိန်မှာ မင်းသာကောင်းကောင်းအိပ်ပျော်ပြီး စားဝင်တယ်၊ ကျန်းမာရေးကောင်းတယ်ဆိုရင် ဘာကိုမှ အထူးတလည် စိတ်မပူပါနဲ့တော့။ ဘဝက အချိန်တန်ရင် အဆင်ပြေလာမှာပါ။ တကယ်ပြောတာပါ... ဘဝဆိုတာ လူတိုင်းနဲ့ လိုက်ပြိုင်နေရတာ မဟုတ်ဘူး။လူတိုင်းက ကိုယ့်ဘဝရဲ့ ပန်းချီဆရာတွေပဲ။ ကိုယ့်ဘဝကို အကောင်းဆုံး ရေးဆွဲခြယ်သလို့ ရပါတယ်။ အချိန်တစ်ခု ရောက်လာတဲ့အခါ ဘဝမှာ မင်းဖြစ်ချင်နေတဲ့ အရာတွေ ဖြစ်တည်လာမှာပါ။မယုံရင် လွန်ခဲ့တဲ့ ငါးနှစ်က ကိုယ့်ကိုယ်ကိုယ်နဲ့ ခုလက်ရှိပုံစံကို ပြန်နှိုင်းယှဉ်ကြည့်လေ... မင်းဘဝ ပြောင်းလဲသွားတယ် မဟုတ်လား။ မဆိုစလောက်လေး ပြောင်းလဲသွားတာဆိုရင်တောင် ဒါဟာ သေးငယ်တဲ့ အောင်မြင်မှု အစပျိုးခြင်းပါပဲ။ #နူးနူးအောင် @sanji 🧸 @🪐 Le vi ❤️‍🔥 @†ต๊อบ👤

Rayy🎱

Open In TikTok:

Region: TH

Sunday 02 August 2026 12:18:36 GMT