បុរាណស្ថានដំរីក្រាប ប្រហែលជាត្រូវបានកសាងឡើងក្នុងសតវត្សទី៩ នៃរាជ្យព្រះបាទជ័យវរ្ម័នទី២? ទីតាំង: ចម្ងាយប្រមាណ១០០០ម៉ែត្រ ប៉ែកខាងលិចផ្លូវបត់ទៅវត្តព្រះក្រាល (ខ្នងភ្នំគូលែន)។ នៅខាងលិចបុរាណស្ថាននេះ៤០០ម៉ែត្រ មានប្រាសាទបុរាណមួយឈ្មោះ ប្រាសាទបល្ល័ង្ក ជាក្រុមប្រាសាទឥដ្ឋដែលបាក់បែកស្ទើរទាំងស្រុង បច្ចុប្បន្ននៅសល់តែគ្រិះប្រាង្គចំនួនបី ហើយនៅសេសសល់ផ្នែកខ្លះៗនៃសំណង់ប្រាសាទ។ ប្រាសាទនេះមានគោបុរៈ (ច្រកចូល) នៅផ្នែកខាងកើត មានកំពែងព័ទ្ធជុំវិញ និងអាចមានសំណង់ផ្សេងទៀតដែលពិបាកនឹងកំណត់អត្តសញ្ញាណបានច្បាស់លាស់ ដោយសារតែស្ថានភាពបាក់បែកជាគំនរថ្ម។ ស្រាវជ្រាវ និងថតរូបដោយ: @DIRECTOR OF PHDER PRASAT - @phder_prasat13_june_25