احمم بنات شرايكم بالاحداث 🫣🔥 _دخلو كعدو ع الكوشه يجننون فدوه وميار طالعه تجنن وخجلها وتوترها واضح..شويه وكام عقيل باس راسها وسلم ع ماما وعماتي وخالاتي شافني بلباب اخذني سحل مستعجل وطلعني برا يريد انطي الزي العربي حتى يبدل لان لابس قاط ويريد يبدله ويطلع يسلم ع الناس والشيوخ البرا لان عمو وبابا يردون الولد يطلعون باحلى صوره.. سلحني وطلعني يحجي وياي واني بالي مو يمه اباوع لـ حسين واكف بلباب ومنزعج جان مانع دخول اي شاب للسياج بحيث مخلي سيارته ساده الطريق محد يكدر يدخل عقيل لازم زندي ويحجي فجأة حسين التفت وعكد حواجبه خزرني وعيونه صارت على طولي وتركزت ع ايد عقيل الازم بيها زندي باوعلي وعيونه تجدح نار خزرني واشر ع باب المخزن معناها دخلي خفت ونسيت حتى عقيل ايس مني وراح ع منار واني مثل الحبابه ومن الخوف وعيونه الموتني بعدها صوترهن كبالي بسرعه دخلت ع المخزن وكعدت ع الكرسي كلبي يدك بقوة ضميت عيوني وكعدت اتنفس بصوت عالي ومدا اصدك اني مااخاف من احد هسه نضره منه ترجفني كعدت اهدي نفسي وكل ضني مراح يجي لهنا.. عشر دقائق وفزيت من انفتح الباب ودخل بطوله وهيبته وملامحه الحاده وعصبيته الطاغيه ع المكان كله بس باوعت لعيونه الي راح يطلعن من مكانهن صايرات عباره عن دمارات حمر وفكه المشدود كلبي دك بهمجيه.. كال بنبرا حاده" اسراااااء" لساني نربط كتله بتلعثم" هـ.. هـ.. ـا هـ.. ـا " كال " وجعا وعلا ومرضا شني هاذا البس ولج تردين تخبليني انتيييي؟ كولي؟ ماخليتي عقل براسي شهههل استهتار هاذا شنو؟ ماتحجين اكو بشر يلبس هيج وطالعه بل سياجج بكل عين وكحه والله ماشفت صلافه مثلجج شني صلافتج هاي تعديتي لقانون والشرع وكلبي ولجج سياجج كوه ساده ولد عمامج وخوالج يتفتلون وانتيي هيج طالعه شسوي بيج اني؟ والله مو صوجج صوجي اني من صاعده بسياره ماشفتج وغلست عنج كلت لابسه لبس بي حظ واني اعرف سوالفج صوجي ماشفته جان شكيتهه عليييج ادبسزز.. يحجي بكل سرعه ويلهث يغلي غلي.. ضميت وجهي وانهضمت منه كولش ودموع صارت تنزل عشره عشره.. كعد ع الكرسي مدنك راسه بين اديه وبس صدره يصعد وينزل وصوت انفاسه عالي خمس دقائق وماحسيت اله خشمه نزف طفرت عليه " حسين حسين خشمك" من خوفي ومااعرف شنو اسوي شال مال الركص جنت شادته ع خصري فلته من خصري وجبته اخلي ع خشمه لزم ايدي واخذه لفه وخلاه بجيبه واني تخبلت نزيف مدا يوكف وهاذا مدنك ركضت اريد اطلع لازم ايدي ماخلاني فرفحت روحي عليه ابجي بهستيريه حسيت كلبي دينزف مو هوا حضني يهدي بيه.. شويه وقلل الدم فلتت نفسي منه ورحت جبت كاسات ماي وغسلت وجهه وشربته وهوا دايخ دوخه كلش قويه شويه صحصح دنكت عليه ونسيت دلعه الفستان صخام بوجهي صـ.. دري نصه مبين كتله بهمس" حسين شبيك"وابجي من خوفي عليه حضنته لصـ.. دري ونسيت دلعه الفستان اتشنج وهمس" اسراء " كتله ها يروحها كال ماهد حيلي النزيف هد حيلي فستانج.... يتبع - @ma_mam9