Qisadii Jacayl ee Maryan Mursal iyo Axmed Cali Cigaal.💔 Axmed iyo Maryan waxa ay ahaayeen laba fannaan oo aad u da'yar waxa ay ahaayeen laba fannaan oo aad loo jecelyahay, mid kasta waxa uu lahaa hibo dadku aanay ka caajisin, waxa ay ahaayeen laba dhallinyaro ah oo ku jira waqtigoodii dahabiga ahaa. Waxa ay ka wada tirsanaayeen Kooxdii Waabari. Axmed iyo Maryan waxa ay ahaayeen laba dhallinyaro ah oo mid kasta qurux iyo qiimo leh, hibadooduna baarka sare tahay. Jacaylkoodu waxa uu ku bilaambay si hoos-hoos ah, Axmed iyo Maryan waxa ay ku heshiiyeen in ay si qarsoodi ah u wataan jacaylkooda oo ayna cidna la wadaagin, sababo jiray awgood. Maryan hadalkaas waa ay qaadatay, laakiin nasiib xumo haddana dib ayay arrintii ka kashiftay oo waxa ay uga sheekaysay jacaylkoodii hablihii Kooxda Waabari oo qudhooda Axmed dusha ka eegan jiray oo qaarkood jeclaayeenba. Jacaylkoodii dibadda ayuu u soo baxay dad badanna waa ay ka war heleen, Axmed aad ayuu arrintaas uga xumaaday waxa uu dareemay in Maryan khalad samaysay. Waxa uu qaaday Heesta. "Shalow. Ee erayadeeda ay ka mid ahaayeen. "Maxaad sheekadeennii nacas intaad shiraysay dumarkii dabaal. ugu sheegtay shalay galab.” Heestaas marka uu qaaday Axmed xidhiidhkoodii waxa uu galay hakad! Haddana waqti ka dib Axmed Maryan dib ayay ka heshiiyeen. Waana ay is guursadeen waxa dhacay arooskoodii oo ahaa waqtigaas midkii ugu saamaynta badnaa waqtiyadaas. Kana shaqaysay xataa Dawladii waqtigaas jirtay ee Kacaanka. Laakiin nasiib-xumo si kasta oo loogu xafladeeyay, waxa jirtay dhibaato wayn oo ahayd in labada reer ee ay ka soo kala jeedaan Axmed iyo Maryan ayna raali ka ahayn guurkoodaa gaar ahaan Axmed reerkoodu, waxa ay tidhi Maryan waxa lagu yidhi ninkaygii waxa aad guursatay gabadh Midgaan ah! Laakiin Axmed jacaylkiisa waa uu ku adkaystay. Waxa ay isku dhaleen laba wiil oo lagu kala magacaabo. Maxamed iyo Cabdiqaadir. Laakiin Axmed iyo Maryan waa ay kala tageen. Axmed waxa uu guursaday Fannaanadii weyn ee Qadra Daahir Cige Ilaahay ha u naxariistee. Maryan oo mar uga warrantay qisadeeda jacayl BBC-da waxa ay sheegtay illaa hadda in uu ka war hayo Axmed oo uu xidhiidhiiyo. Markii ay kala tageen Maryan labadeedii wiil waxa ay u kala bixisay. Keenadiid iyo Kunciil. Waxa ayna sheegtay Maryan sababta ay ugu bixisay in ay ahayd Cadhadii kala tagitaankooda. Midna waxa uu noqday fannaad waddadii Aabihii raacay, kan kale waxa uu noqday wadaad/sheekh Masaajidka ka adima. Waxa ugu wayn ee burburiyay Jacaylkii Axmed iyo Maryan waa hayb-sooca oo illaa maanta taagan nasiib- xumo! Axmed maanta ayuu geeryooday Rabbi ha u naxariistee, se - @zackmedia63