🥇 قصتك بلا اسم
Region: EH
Sunday 02 August 2026 20:10:12 GMT
359642
3102
740
211
Music
Download
Comments
fatima_Ezzahrae :
سبحان الله بابا نهار لي ايتوفا فيه فيقنا كاملين مع 6 دصباح كيگول لماما نوضي جمعي روينة و جيدي كتوبة تاع ولادك راه انموت ليوم وغيتوضرو ليهم ماما بقات تكوليه واش طالعاك سخانة راه نموت انا ونتا تبقا بقا يحكر تا ناضت جمعات كلشي وسيقات طيبات لفطور كان ضرووري يفطر باحسوة لأول مرة مبغاش كاليها بيت قهوة قاااصحة راه واحد لمرورية فحلقي تاع لموت 😭 انا باقا صغيرة كندور حداه باقا مواعياش بهاد لكلمة ولكن كنت خايفة مسكين مشا نعس فبلاصة بعيدة منين جيت انا وخويا حداه باش يصدرنا كااينا جيبو ليا طاس بيت نرد مشا خويا انا بقيت كنشوفو كيخرج لكشكوشة وعينيه كيخرجو تا مسكين جمد فبلاصتو مبقاش كيتحرك فرمشة عين دنيا تبلووكات فدار مسكين تا فموتو كيفكر فينا وفكتوبتنا و فدار تجمع حمد الله
2026-08-03 08:20:12
1000
صدقة جارية على روح ابي حبيبي💔 :
بابا قبل مايكون بسعر كان كايقولينا راه غانكون وفيما يشوفها يتسامح معانا وملي بقات ليه 15يوم كان مصر انه يجلس عندي وكانت ماما خوتي كايقول ليه خليتي دارك كايقوليهم أنا مرتاح عند بنتي وانا كنت كنتهلى فيه كنخلي كلشي شغالي ونجلس حداه تايديه نعاس عاد كنقضيهم والليل كنبقاو معاه أنا وراجلي ولادي تاينعس ونمشيو وماما جات تديه ومابغاش مشات خلاتو واحد نهار داوه بزز وقاليا رجعي ليا غذا مع العشرة اصلاح متعطليش عليا ورجعت ليه تالستة خفت ماما تقلق عليا وملي شافني ناض قاليا يالله نمشيو لقيتو كايمشي وايجي فدار كايتسناني بحال دري صغير ملي شافني شفت بريق فعينيه فرح بيا دستور اريسطو كلا الحوت وجينا فرشت ليه بلاصتو وجلسنا معاه النعاس ونضنا نعسو دازت ش ايام قبل العيد الكبير باسبوع فقت صباح كالعادة نعطيه يفطر قاليا متنوضيش بقاي معايا قلت ليه لا ندير ليك الغذا وهانا جايا داك نهار ولدي مخليتوش يمشي يقرا طلبتو يغيب واحد الساعة معرفتش علاش تاغيب بقا معاه ولدي شويا كنسمعو كايتقيا جيت كتجري دخلت عندو لقيتو فتواليت كايتقيا دم طروف مسكين قاليا خرجي غاتمرضي ولكن مخليتوش قاليا بنتي أنا عاطيك رباح وراك وقدامك عمرك تعرفي الخسارة عاطيك الرضى وضو ورباح دازت نصف ساعة جاه الوجع صونيت للعاءلة كلشي تلفوناتهم مخدامينش عنقتو كنطبطب ليه على ظهرو قاليا هذي الموت ابنتي المسامحة مات على كتفي ملي هزيت تلفون لقيت كلشي نوامر خدامين عاد جاو هما تقلقو ولكن ماشي ذنبي ديك لحظة درت مجهود نعيط ليهم لكن تاشي تلفون مكان خدام كلهم كانو خارج تغطية أنا وولدي ليحضرنا ليه فقط لكن من داك نهار تغيرات حياتي كنت فقيرة وليت غنية فجأة تبدلات حياتي مخلالي فلوس مخلالي ورث خلالي رضى تهلاو فواليديكم نهار تجي الموت مغاتعطيكمش فرصة
2026-08-03 19:00:37
419
meriemmeriem38623 :
شفت هاد الاعتراف او بكيت عرفتو الى مات ليا راجلي غادي ياكلوني عائلتو مغاديش يعطلوني د كنحس بيه هو سند ديالي يارب تخليه ليا او طول فعمرو او تخليه االوليدو راجلي كتوم كنحس بيه كيهز فقلبو او قاهرو زمان او تفكير
2026-08-03 20:15:28
185
💝N🥰 :
حت انا اخوتي كونا مزال صغار الام ديلي كنت فسبطر بقات شهرين تقريبا مشفنهاش كنا كنعيشو بعاد على لمدينا اهيا كنت كيدها جدي لسبطر ارجع هد المره عطلت أملي كنت مجا قلونا ممك مجا جمعو الدار اسيقو احنا كندرو افرحانين الجيران كيعونونا كلشي فخبرو متت إلا حنا حت شفنها دخلين بيها فسندوق شعور لحد الآن مزال كيحفر فقلوبنا😭💔
2026-08-02 22:33:18
120
chaf wafa :
عادي اختي تا انا كانت عندي عجوزتي مقابلاها الله ارحمها توفات مع 4 صباح جمعت الداري و نقيت دنيا هاي علمنا ولادها و العائلة بلي توفات كيقولو الشفايا كثر من العزايا
2026-08-03 08:55:21
200
khadija_jwelry :
لا مغلطانة والو غير هو سعداتك ربي عطاك القوة حيت كون جاو ولقاو دار حالتها كن مخلو مقالو فيك
2026-08-02 21:11:27
264
Bakkah Habiba :
انا الواليد جاه نزيف فالراس و انا لي بقيت نعاه فالسببطار و مع دخلناه للسبيطار كيوصي فيا و كيقوليا راه صافي غادي نموت و انا كنبكي و كنقوليه مغاديش تموت ابا راه غادي تداوا و جلس ثلاث ايام و اخر ليلة فالسببطار عطيتو يتعشى و صلى فبلاصتو و نعس و حتى انا نعست شويا كنسمع الشخير كيسحابني غير هو كيشخر و لكن داك الشخير كان فشكل فقت شعلت الضو لقيت الكشكوشة فمو خرجات و لكن كيسحابني غير دخل كومة تلفات بيا الدنيا خرجت حفيانة كنقلب على شي فرملية و كنغوت و كنبكي واحد الاحساس خايب بزاف من بعد جاو الفرمليات قطرو ليه الماء و غطاوه بمانطة و قالو ليا غادي ندخلوه الانعاش و خلاوني بحال الحمقة ماقدرتش ننعس فداك الشومبر خرجت بقيت بوحدي حدا تما فين دخلوه و كنسول واحد الفرملي كيقوليا راه فاق و فرحت و مع الصباح قالو ليا سيري قادي ليه بلاصتو راه غنجيبوه و فاش مشبت قالو لراجل ختي راه مات و هو يصونب ليا خالي قاليا الله يرحم باك قلت ليه ويلي راه ماماتش راه يلاه قالو ليا غادي يجيبوه لبلاصتو فاش وصلت عند ختي وراجلها و لقيتها كتبكي صافي رجليا فشلو داك النهار كان فشكل بحالا الحياة توقفات عندي
2026-08-03 14:32:40
43
فاتي ريفية :
انا مات رجلي لحبيب بقيت غير كنشوف ونغيب على الوعي ونبقى ندخل من بيت لبيت كنقول ربما نلقاه تماك لوساتي وخوتاتي الله يحفضهم هوما لدارو كولشي والان انا مريضة نفسية من طبيب لطبيب صعيبة الحرقة ديال الموت مازال كنذكر كنقول ليهوم نتسناه في دروج نشوفو
2026-08-03 02:26:00
60
Nazcake :
انا منقدرش نفكر شي نهار نعيش بلا راجلي ياربي اجعل نهاري قبل نهارو كيقولو الام عندها ولادها اعز من اي حاجة فالدنيا انا كنقول لهلا اقدرها ياربي نقدر نصبر نترزا فشي واحد من ولادي ومنترزاش فراجلي حيت كنقول اي مصيبة و اي ابتلاء نقدر. نصبرو بعضياتنا انا واياه ونوضو نوقفو من جديد لكن الى مشا ليا مكنضنش باقي نقدر نوقف الحياة غادي توقف ديك اللحظة ياربي تحفظ. ليا وتحفظو لولادو
2026-08-04 22:11:00
43
الياس :
انا مزوجة دابة 15 عام او الاب ديالي كنت اغلب سنين ساكنة معاه يعني ولادي كبرو حداه او بي سبب خدمة راجلي نتاقلت او كريت في مدينة اخرة مدة 3 اشهر بغيت نمشي نشوفو او نخرجو او نشري ليه او نكسيه مشيت ديك العشية شفتو سلمت عليه كان غادي ينعس حيت هو دبما كنعس بكري علي وديت الفجر او مشيت الصالة كلست او عيطت ليه قلت ليه اجي كلس معانة شوية قال ليا اجي نتي ونا قلت في خاطري خليه ينعس بلاما نبرزطو غدة نضلو مجمعين نعس فاق صباح بكري مشا المارشي علي وديت يتقدة نديرو كسكسو طاح تماك مسكين جا عندنا شي راجل قال لينا راه الاب ديالكم سخف او مشا السبيطار خاطري تزيرات ولكن مضنيت انه مات مشيننا السبيطار انا وخوتاتي ملي جا عندي بوليسي كقولي واش نتي بنت فلان كنقولو شكون نتا قالي معاك البوليس الاب ديالك مات تصدمت واحد صدمة لدرجة مبكيت مدمعت خوتاتي خوتو وحدة سخفت انا متيقت حتي شفتو في بيت الاموات فاش خرجو ليا راجل عريان باااارد او حوايو في الارض واحد المنظر نموت منساه دابة جاية 4 سنين عمرني منسيتو او عمرني ماننساه او لي اتر عليا كتر هو كون عرفتو غيموت او بقات ليه غير 3 شهور مانمشيش او نخلبه كان ملف ولادي بزااااف قالت ليا ختي بحالة حزن فاش مشيتي الله ارحو ياااارب لي داز من هنا او قرة تعليقي يدعي معاه برحمة الله ارحم جميع الاموات مسلمين يارب
2026-08-06 23:02:34
12
حنان hanane :
انا ماما الله يرحمها ماتت في كلينيك مع 22:30 ليل كانت في إنعاش منين قالوا لينا ماتت بكينا قدام كلينيك حتى سخفنا وتاصلنا بالعائلة وجينا لدار انا واختي وبنتها وبنت خالي ساكنة في نفس المدينة لي حنا فيها وجمعنا دار وطرفنها ورجعنا لكلينيك ومع 8 صباح كلشي جى لدار دبا ميمتي توفات قريبة 4 اشهر كنحس براسي معيشاش نعاس مكبغيش يجيني كنتفكر كلشي الله يرحمها ويرحم بويا الحنين ويرحم جميع المسلمين
2026-08-03 19:50:41
16
❤️🌹❤️ :
كل واحد وكفاش كيعيش الحزن ديالو انا صحتي كطيح عليا فاش كنسمع شي خبار خايبة رجلي كيخواو
2026-08-02 22:56:23
18
samrae :
انت صبارة مزيان ملي تصرفتي هكا واحد جارنا مات دخلنا لقينا دار مرونة كل حاجة في قنت انا عدرتهم الله يحسن العون من بعد واحد جارتنا شدات فيهم الهضرة قدامي قلت ليها ايوى مع صدمة مابقى شقى.
2026-08-03 14:36:38
9
سالي :
انا ماتت ماما وهربت 🥺🥺🥺 معرفتها واش ماتت ولا غيبات مهم قاصحه بززاف
2026-08-03 16:04:25
6
منى :
انا راجلي هو سند ديالي انا عندي ثلاتة البنات الا مات عائلتو ياكلوني انا وبناتي انا عرفاهم مكيبغونيش معرفتش علاش ياربي تحفض ليا راجلي وطول في عمرو
2026-08-04 14:16:06
13
غزال الريم 🩵 :
أنا نيت ماتت ليا بنتي الله يرحمها وتصرفت بنفس الطريقة ولكن ديك الحزن ألي مخرجتوش فديك اللحظة مزال نخلصو لدابة غير يهدر معايا شي حد كتبقى كنترعد 😭😭
2026-08-03 08:02:17
19
oujdiya 48🦋🇲🇦 :
علاش تحزني وتندمي انت جمعتي دارك وهادا أمر طبيعي انت كانت عندك ضروف وخصوصياتك وتنظيف واجب عليك الله يرحمو ويعوضك خير
2026-08-04 23:35:52
8
Amal amal :
حتى انت اختي توفي راجلي وهو ناعس مشات بنتو تفيقو باش يفطر مبغاش يفيق وانا كنت فالخدمة اتا.صلو بيا ولادي وقالو بيا بابا مات دارتةبيا الدنيا ماكان لمريض لوالو الى يومنا هدا مزال ممتيقت انه مات
2026-08-03 08:52:58
15
❤Imane❤ :
لا اختي عادي.حيت الشفايا كثر مالعزايا
2026-08-03 19:40:55
9
👑Ayla👑 :
كنت حاملة في شهري الثامن ومعروضين عند عائلة للغداء وراجلي وراجل داك الأخت خارجين لواحد للبلاصة جا عندي يسلم عليا وقال لي غدي نتوحشك بزاف قلت له ما تتعطلش قال لي غدي غير هنا إذا تعطلت سمحلي بديت نبكي ودرعني ومشا مع آذان المغرب سمعت خبار واحد الكسيدة وقعت ومابغاوش يقولو لي بلي راجلي مات في ذلك الاكسيدون حتى الصباح جا باه خبرني وتصدمت كان من أطيب خلق الله مات عمره 24 سنة في 2015 الله يرحمه يارب 😭
2026-08-03 22:30:55
18
حيــــــــــاتي بناتــــــي🫀 :
أحسن مادرتي أختي راه شفاية كتر من العزاية وهادشي راه كيديروه أغلب الناس
2026-08-03 06:51:28
43
sarita :
ختي تيىقول المتل شفاية كتر من العزابة لي درتي راه صواب حينت ناس كيجيو يبرݣو
2026-08-03 21:14:24
78
Maryam Loki :
ديت ولادي العبو الكورة وعيطات ليا ماما قالت ليا منى ماتت لي هي ختي عندها 28 عام ممريضاش كنت هداك نهار هدرت معاها مع الغدا كانت كتغدا ومع 6 لعشية ماتت بسهولة فاش قلتها ليا ماما بقيت مصدومة مقدراش نبكي واحد طعم كنحس بيه في فمي بحال صدا ولا معدن طلع ليا من كرشي لحد ساعة مقدراش نصدق انها ماتت اليوم عيد ميلادها
2026-08-03 17:59:55
77
Amani0809 :
نهار ماتت ميمتي وانا صغيرة 16 عام وكنت ناعسة حداها ضربتني الفيقة لقيتها تقيات الدم وسخونة الفوار طلع منها كنت غنحماق كنت غنتسطا كنشوف الناس هالي باغي القهوة هالي باغي اتاي هالي كتقفز ولدها وتفرح بيه هالي كياكل كسكسو ويقول زيدونا البلول وانا العافية شاعلة فقلبي وختي مسكينة نفيسة يلاه والدة بيوماين مقداش مغيبة كانت غتموت حتى. هيا مشعرتش براسي حتى بقيت كنغوت على كولشي خرجوا علينا لي بغا اتاي ولا القهوة يمشي يشربو فدارو مبغيت عزايا انا امي مماتتش خرجوا عليا بقيت كنغوت ونطلع للسما ونزل حتى غبت فقت لقيت راسي فالسبيطار كنت غنحماق كنسول على ماما ونغوت فالسبيطار بقيت فيه اسبوع وانا منهارة ولكن العائلة درت عليهم كروا حمرا إلى لأبد
2026-08-03 22:12:31
45
salma18 :
بزاف تاع الناس كيديرو هكا .يجمعو روينتهم عاد يعلمو الناس بالموت.حيث الى جاو وكلشي مرون .غينساو لگنازة ويبقاو مقابلين روينة.والتفاهة...حيث الى علمتيهم وذنيا مرونة مغيردوش الميت.اللهم جمعي دارك .راه هادرين هادرين .
2026-08-02 23:23:04
16
To see more videos from user @qostak_bla_esm, please go to the Tikwm
homepage.
