@eithandarphyoe5: #ဆရာဝန်နဲ့ သူနာပြုဆရာမကို 'ဆရာ၊ ဆရာမ' မခေါ်ချင်ဘူး" ဆိုတဲ့ စကား ကြားလိုက်ရတယ် ကျွန်မ ဘယ်တုန်းကမှ မတွေးမိတဲ့ view point ဖြစ်ခဲ့တယ်။ ဒါပေမဲ့ ကျွန်မရဲ့ လုပ်ငန်းခွင်မှာတော့... မေ့ဆေးဆရာတစ်ယောက်က Glove ဝတ်ထားလို့ လက်မအားတဲ့အချိန်... "ဆရာမ… ဆေးလေးဖောက်ပေးလို့ရမလား" ကျွန်မက စလိုက်တယ်။ "မဖောက်ပေးချင်ပါဘူး... ဆရာ" ပြန်စရင်း လိုအပ်တဲ့ အကူအညီအားလုံးကို ဘေးကနေ လုပ်ပေးခဲ့တယ် အလုပ်ပြီးတော့... "ကျေးဇူးနော် ဆရာမ" ခွဲစိတ်မှုပြီးတိုင်း Surgeon ကလည်း Team တစ်ခုလုံးကို "ကျေးဇူးနော်" လို့ ပြောတတ် သလို Instrument ဝင်တဲ့ သူနာပြုကိုလည်း "ကျေးဇူးနော် ဆရာမ" လို့ ပြောတတ်တယ်။ ခွဲစိတ်ခန်း တစ်ခုမှာ Operation field တစ်ခု မှာ Runner သူနာပြုဆရာမက အပြင်ကို ခဏထွက်တဲ့အချိန် "ဆရာမ. အထဲက ခေါ်တယ်ဆိုပြီး" Opt field မှာ ကျန်ခဲ့တဲ့ဆရာဝန်က ဆရာမကို လာခေါ်ပေးတတ်တယ် ဒီလိုအချိန်မှာ "ဟုတ်ကဲ့... ကျေးဇူးနော် ဆရာ" ပြန် အလေးထားရင်း ဒီစကားတွေက ကျွန်မတို့အတွက် နေ့စဉ် ရိုးရိုးလေးပါ။ တကယ်တော့ "ဆရာ၊ ဆရာမ" ဆိုတာ ဘွဲ့ တစ်ခုကို မြှောက်ပင့်တာ မဟုတ်ဘူး။ တစ်ယောက်ရဲ့ ပညာ၊ တာဝန်နဲ့ ကြိုးစားမှုကို လေးစားတဲ့ စကားလုံးတစ်လုံးပါ။ လေးစားမှုဆိုတာ ကိုယ့်ဘက်က စပေးရင် ကိုယ့်ဆီကိုလည်း ပြန်ရောက်လာတတ်တယ်။ ဒါကြောင့်... မခေါ်ချင်တဲ့သူတွေကို အတင်းမခေါ်ခိုင်းပါ ဒါပေမဲ့ ကျွန်မတို့ကတော့ ဆက်ခေါ်နေဦး မယ်။ ဘာလို့လဲဆိုတော့... လေးစားမှု လျော့သွားတဲ့ အသိုင်းအဝိုင်း ထက်၊ အပြန်အလှန် လေးစားမှုရှိတဲ့ အသိုင်းအဝိုင်းမှာ အလုပ်လုပ်ရတာ ပိုနွေး ထွေးပြီး ပိုပျော်ဖို့ကောင်းလို့ပါ။
မခေါ်ချင်တဲ့သူက သူနာပြု မစံပယ် အထက်တန်း သူနာပြု မစံပယ် သူနာပြုကြီး ဒေါ်စံပယ် တာဝန်ခံ သူနာပြုကြီး ဒေါ်စံပယ် လို့သာ ရာထူးအလိုက် ခေါ်ကြနော် #Crd#❤️

Ei

Open In TikTok:

Region: MM

Monday 03 August 2026 02:08:31 GMT