******************** မေတ္တာဆိုတာ ကြိုးမပါဘဲ ချည်နှောင်ထားတတ်တဲ့ ဆန်းကြယ်တဲ့ နှောင်ကြိုးတစ်ခုပါ။ အတ္တနိယာမတွေနဲ့ တင်းကြပ်စွာ ချုပ်နှောင်ထားမှ ရရှိလာတဲ့ ဆက်ဆံရေးမျိုးဟာ ချစ်ခြင်းမေတ္တာ မဟုတ်ဘဲမာယာတစ်ခုသာ ဖြစ်ပါလိမ့်မယ်။ စစ်မှန်တဲ့ မေတ္တာမှာတော့ ဖိအားမပါဘူး၊ တောင်းဆိုမှု မရှိဘူး၊ ချည်နှောင်ထားဖို့ ကြိုးတွေလည်း မလိုအပ်ပါဘူး။ နေကြာပန်းလေးဟာ ဘယ်လောက်ပဲ ကမ္ဘာမြေရဲ့ ခေါင်းထောင့်တစ်နေရာမှာ ပွင့်လန်းနေပါစေ၊ အမြဲတမ်း နေမင်းဆီကိုပဲ မမှားမယွင်း မျက်နှာမူလှည့်ပတ်နေသလိုပါပဲ။ စစ်မှန်တဲ့ ချစ်ခြင်းတရားနဲ့ ခံယူထားသူဟာလည်း ကမ္ဘာခြားလောက်အောင် ဝေးကွာနေပါစေဦးတော့… သူ၏စိတ်၊ သူ၏အ‌ေတွးနဂိုရ်ဟာ ကိုယ့်ဆီကိုပဲ အမြဲမပြတ် ရောက်ရှိနေတတ်ပါတယ်။ ဝေးကွာခြင်းဆိုတာ ရုပ်ပိုင်းဆိုင်ရာ ကွာဝေးမှုတစ်ခု သက်သက်ပါ။ စိတ်ချင်းဆက်နေတဲ့ မေတ္တာစစ်ရဲ့ ရှေ့မှာတော့ ဘာမိုင်အကွာအဝေးမှ ဟန့်တားလို့ မရနိုင်ပါဘူး။ ဆွဲမထားပါနဲ့…၊ တင်းမထားပါနဲ့…။ မေတ္တာစစ်ရင်တော့ သွေးတိုးစမ်းစရာမလိုဘဲ၊ ခါးသက်လှတဲ့ သံသယတွေမပါဘဲ သူဟာ စကြဝဠာရဲ့ ဘယ်ထောင့်မှာပဲရှိရှိ… ကိုယ့်ဆီကိုပဲ အမြဲတမ်း အရောင်အသွေးမပျက် မျက်နှာမူနေမှာ အမှန်ပါပဲ။ မင်းကို(ပန်းတနော်) - @minko5131