ဒေါ်အောင်ဆန်းစုကြည်ကို ICRC မြန်မာနိုင်ငံဆိုင်ရာ ဌာနေကိုယ်စားလှယ် လာရောက်တွေ့ဆုံဟု စစ်အုပ်စု ထုတ်ပြန် ဩဂုတ် ၃ မဇ္ဈိမ။ ။ ဒေါ်အောင်ဆန်းစုကြည်ကို အပြည်ပြည်ဆိုင်ရာ ကြက်ခြေနီကော်မတီ (ICRC) မှ မြန်မာနိုင်ငံဆိုင်ရာ ဌာနေကိုယ်စားလှယ်ဖြစ်သူ လာရောက်တွေ့ဆုံခဲ့ကြောင်း စစ်အုပ်စုက ယနေ့ (ဩဂုတ်လ ၃ ရက်) မနက်ပိုင်းတွင် ဓာတ်ပုံနှင့်တကွ သတင်းထုတ်ပြန်သည်။ ICRC ၏ မြန်မာနိုင်ငံဆိုင်ရာ ဌာနကိုယ်စားလှယ်ဖြစ်သူ Mr. Arnaud de Baqque က “ယနေ့ နံနက်ပိုင်းတွင် လာရောက်တွေ့ဆုံခဲ့ပါသည်” ဟု စစ်အုပ်စုက ဖော်ပြထားသည်။ ၎င်းတို့ နှစ်ဦးတွေ့ဆုံနေသည့် ဓာတ်ပုံများအပြင် ဒေါ်အောင်ဆန်းစုကြည် မွေးနေ့ကိတ်ခွဲနေသည့် ဓာတ်ပုံကိုပါ ထည့်သွင်းထုတ်ပြန်လာခြင်းဖြစ်သည်။ မွေးနေ့ကိတ်ခွဲနေသည့် ဓာတ်ပုံတွင် ဒေါ်အောင်ဆန်းစုကြည် ဝတ်ဆင်ထားသည့် အင်္ကျီမှာ ယခင်စစ်အုပ်စု ထုတ်ပြန်ခဲ့သည့် ဓာတ်ပုံမှ ဝတ်စုံနှင့် ဆင်တူနေသည်။ ဒေါ်အောင်ဆန်းစုကြည်၏ သားဖြစ်သူ ကိုထိန်လင်းက “ကျွန်တော့်မေမေကို စစ်အာဏာရှင်တွေ မတရားဖမ်းဆီးပြီး ဓားစာခံအဖြစ် ဖမ်းဆီးခဲ့တာ ရက်ပေါင်း ၂၀၀၀ ကျော်သွားပါပြီ။ မေမေ့ကို ရက်ပေါင်း ၂၀၀၀ ကျော် မိသားစုနဲ့ရော ကမ္ဘာကြီးနဲ့ပါ ပေးမတွေ့ဘဲ ဖုံးကွယ်ထားပါတယ်။ ဒီကာလတလျှောက်လုံးမှာ မေမေနဲ့ ပတ်သက်ပြီး ယုံကြည်စိတ်ချရတဲ့ အချက်အလက်တွေ ရဖို့ ကျွန်တော် ကြိုးစားခဲ့ပါတယ်။ အစိုးရတွေ၊ သံတမန်တွေနဲ့ အမှန်တရားကို သိနိုင်တဲ့ ဘယ်သူနဲ့မဆို ကျွန်တော်စကားပြောခဲ့ပါတယ်” ဟု ပြီးခဲ့သည့် ဇူလိုင်လ ၂၉ ရက်က သူ၏ လူမှုကွန်ရက်တွင် ရေးသားထားသည်။ ဒေါ်အောင်ဆန်းစုကြည် အသက်ရှိထင်ရှားရှိနေသေးကြောင်း သက်သေပြရန် Proof of Life ကမ်ပိန်းကို ဧပြီလ ၂၁ ရက်က စတင်ခဲ့သည့် နောက်ပိုင်း စစ်အုပ်စုက ဒေါ်အောင်ဆန်းစုကြည်၏ ဓာတ်ပုံကို နှစ်ကြိမ်ထုတ်ပြခဲ့ပြီး ယခုအကြိမ်မှာ ဒုတိယအကြိမ်မြောက် ဖြစ်သည်။ ပထမအကြိမ်က Proof of Life ကမ်ပိန်းစတင်ပြီး ကိုးရက်အကြာ ဧပြီလ ၃၀ ရက်တွင် နိုင်ငံတော်၏ အတိုင်ပင်ခံပုဂ္ဂိုလ်အား နေပြည်တော်အကျဉ်းထောင်မှ သတ်မှတ်နေအိမ်သို့ ပြောင်းရွှေ့လိုက်ကြောင်း အရပ်သားတပိုင်း စစ်အုပ်ချုပ်ရေးအဖွဲ့ ထိန်းချုပ်ထားသော မြန်မာ့အသံ (MRTV) က ဓာတ်ပုံနှင့်တကွ ကြေညာခဲ့သည်။ ယင်းကြေညာချက်တွင် ရက်စွဲမပါသည့် ဓာတ်ပုံတပုံကိုသာ ထည့်သွင်းထားပြီး ဒေါ်အောင်ဆန်းစုကြည်နှင့်အတူ ကင်မရာကို ကျောပေးထားသည့် စစ်ယူနီဖောင်းဝတ် တဦး၊ ရဲယူနီဖောင်းဝတ် တဦးတို့ ထိုင်နေသည်ကိုသာ တွေ့ရတယ်...။သတင်းအမှန်ဖြစ်ပါစေ🥺 #အမေစု #သတင်းအမှန်ဖြစ်ပါစေ #အမြန်ဆုံလွတ်ပါစေ #ဒေါ်အောင်ဆန်းစုကြည် #ပြည်တွင်းသတင် - @namgdidi521998pan777081g