@sangye.choeling.m: काङ्ग्यूर (त्रिपिटक) बाचन महापूजा भगवान बुद्धका पवित्र उपदेशहरूको बाचन साङ्गे छ्योलिङ गुम्बामा प्रत्येक वर्षझैँ विश्व शान्ति, धर्मको चिरस्थायी उन्नति, गुरुहरूको दीर्घायु तथा सम्पूर्ण प्राणीहरूको सुख–समृद्धिको कामना गर्दै काङ्ग्यूर (त्रिपिटक) बाचन महापूजा श्रद्धापूर्वक सम्पन्न भइरहेको छ। काङ्ग्यूर, अर्थात् "भगवान बुद्धका वचनहरूको अनुवादित संग्रह", तिब्बती बौद्ध धर्मको अत्यन्त पवित्र धर्मग्रन्थ हो। यसमा भगवान बुद्धका सूत्र, विनय र तन्त्र सम्बन्धी पवित्र उपदेशहरू समावेश छन्। यसको श्रद्धापूर्वक बाचन र श्रवणबाट अपार पुण्य सञ्चय हुने, बाधा–अवरोध शान्त हुने तथा सम्पूर्ण प्राणीहरूको कल्याण हुने विश्वास गरिन्छ। यस पुण्यमय अनुष्ठानको पुण्यफलबाट विश्वमा शान्ति फैलियोस्, सबै प्राणीहरू दुःख, रोग र भयबाट मुक्त होऊन्, धर्मको ज्योति सधैँ प्रज्वलित रहोस्, र सबैले अन्ततः बोधि प्राप्त गर्न सकून् भन्ने हार्दिक प्रार्थना गर्दछौं। 🙏 विश्व शान्तिका लागि समर्पित काङ्ग्यूर (त्रिपिटक) बाचन महापूजाका केही झलकहरू। #fyp #goviral #Kangyur #follwers #yarney