@saw.eddie5: 2013 Yamaha Fino က 1. ပုံမှန်သော့လုပ်ဆောင်ချက်၊ 2.သော့ပေါ်ရှိ ခလုတ်နှိပ် (မင်းဘယ်မှာလဲလို့‌မေးတာနဲ့ အတူတူပါပဲ။) ရင် ရှေ့နဲ့နောက် အချက်ပြမီး နှစ်ကြိမ်လင်းကာ အသံပြုပြီး (ပြန်ထူးတာနဲ့ အတူတူပါပဲ) ယာဉ်တည်ရှိနေတဲ့နေရာ ပြရန်အတွက် Answer backလုပ်ဆောင်ချက် 3.‌ေသာ့ရှပ်တာ တံခါး အဖွင့်အပိတ်လုပ်ခြင်း (သော့ရှပ်တာ အလိုအလျောက်သော့ဖွင့် သော့ပေါက် မီးပွင့်လာ) စတဲ့ ဘက်စုံထိန်းချုပ်မှု ပြုပေးတဲ့ ရိုးရှင်းတဲ့ ထိန်းချုပ်စနစ်တစ်ခု ကနေ စတင်ပြီး လေ့လာကြည့်ပါမယ်။ ဒီစနစ်က ဆိုင်ကယ်ကို အမှောင်ထဲမှာ ရှာဖွေရလွယ်ကူစေ‌ဖို့ အကူအညီ ဖြစ်စေပါတယ်။ Yamaha fino ဘီးမှာပါ၀င်ပြီး ကိုယ့်ဆိုင်ကယ် ဘယ်နားထားမိမှန်းမသိတဲ့အခါ ရှာဖွေဖို့၊ သော့အိမ်ပေါက် အပိတ်အဖွင့်လုပ်ဖို့ အသုံးပြုနိုင်ပါတယ်။ သော့အုံမှာဆိုလင်နွိုက်ကွိုင် ပါ၀င်ပြီး ရီမုက ခလုတ်ကို ကြာကြာနှိပ်မယ်ဆို(Long push) ဆို သော့အုံတံခါး ပိတ်ပါတယ်။လက်ခံယူနစ်က အချက်ပြဘယ်ညာမီးတွေ လင်းစေခြင်းဖြင့် တုန့်ပြန်ပြီး တစ်ချိန်တည်းမှာပဲ အောက်ပါ အခြေအနေအတိုင်း ဘာဇာ အသံမြည်ကိရိယာက အသံနဲ့ အချက်ပေးပါလိမ့်မယ်။ယာဉ်ဘယ်နားထားမိမှန်းမသိ ရှာချင်တဲ့ အခါ ရှေ့နောက် အချက်ပြမီး နှစ်ကြိမ် အသံမြည်ကိရိယာက နှစ်ကြိမ် လင်းတာ အသံမြည်တာ ဖြစ်မှာဖြစ်ပြီး သော့အုံတံခါး ဖွင့်တဲ့အခါမှာတော့ တစ်ချက်စီ ပဲ လင်းတာ အသံမြည်တာ လုပ်ပေးမှာပါ။ဆိုလင်နွိုက်ကွိုင် ရွေ့လျားမှုက သော့အုံတံခါး ပွင့်စေတာဖြစ်ပြီး အချက်ပြမီး စက္ကန့်၃၀ ခန့် လင်းနေပါလိမ့်မယ်။တကယ်လို့ သော့အုံအလုပ်မလုပ်ရတာက ၂၁၆ နာရီ ကျော်မယ်ဆိုရင် ထရန်စမစတာ အလုပ်လုပ်ဆောင်မှု ရပ်ဆိုင်းသွားမှာဖြစ်ပြီး သော့အုံ ပြန်အလုပ်တစ်ဖန်လုပ်တဲ့ အချိန်ကျမှ နောက်တစ်ဖန် ပြန်အလုပ်လုပ်မှာပါ။ power saving mode အတွင်း ရောက်သွားတာကြောင့်ပါ။ တကယ်လို့ ထရန်စမစ်တာ ပျောက်ဆုံးပျက်စီးမယ်ဆိုရင် အသစ်ပွားယူလို့ရပါတယ်။ ပြီးရင် ထရန်စမစ်တာ နဲ့ ရီဆီဗာကို PARING PROCEDURE အတိုင်း လုပ်ဆောင်ပြီး အသစ်ပွားယူဖို့လိုပါတယ်။ သော့အုံ ထိန်ချုပ်ယူနစ်မှာ ပင် 12ပင် ပါရှိပြီး 9ပင်သာ အသုံးပြုထား ပါတယ်။ 9ပင်ကို Input အပိုင်း Output အပိုင်း ခွဲခြားပြီး လေ့လာကြည့်ပါ။ အဝင်ပိုင်း 1.VB သော့ အဖွင့်အပိတ် အချက်ပြ အဝင်ပင် ဖြစ်ပါတယ်။ VB ပင် အခြေ1 သော့ဖွင့်ထားသည်။0 သော့ပိတ်ထားသည်။ (VB ပင် 0 ဖြစ်တာ >216 နာရီဖြစ်ရင် စနစ်က Sleep mode အတွင်း ဝင်ရောက်သွားမှာဖြစ်ပါတယ်။) ဝါယာ အဆက်အသွယ်နဲ့ အဝင်ပင် ဒီတစ်ခုသာ ရှိတာ တွေ့ရပါတယ်။ အထွက်ပိုင်း 1.Sol သော့အုံ ဆိုလင်နွိုက် လုပ်ဆောင်ချက် ထိန်းချုပ်ပင်ဖြစ်ပါတယ်။Sol ပင် က 1ဖြစ်မယ်ဆို ဆိုလင်နွိုက် ကပ်မှာဖြစ်ပြီး 0ဖြစ်မယ်ဆို ဆိုလင်နွုိက် ကပ်နေမှာ မဟုတ်ပါဘူး။ ဆိုလင်နွုိက် ကွိုင်တစ်စကို အနှုတ်ပုံသေပေးထားပါတယ်။ 2.LED သော့အုံ LED လုပ်ဆောင်ချက် ထိန်းချုပ်ပင်ဖြစ်ပါတယ်။LED ပင် က 1ဖြစ်မယ်ဆို‌ေသာ့အုံ မီးလင်းမှာဖြစ်ပြီး 0ဖြစ်မယ်ဆို သော့အုံမီးလင်းမှာ မဟုတ်ပါဘူး။ LED ခြေတစ်စကို အနှုတ်ပုံသေပေးထားပါတယ်။ 3.Buzzer+ Buzzer- အသံမြည်ကိရိယာ လုပ်ဆောင်ချက် ထိန်းချုပ်ပင်ဖြစ်ပါတယ်။Buzzer+ ပင် က 1 Buzzer-ပင်က 0ဖြစ်မယ်ဆို အသံမြည်ကိရိယာ အသံမြည်မှာဖြစ်ပြီး နှစ်ပင်စလုံး 1သို့မဟုတ် 0ဖြစ်နေရင် အသံမြည်ကိရိယာမြည်မှာ မဟုတ်ပါဘူး။ 4.FL ဘယ်အချက်ပြမီး လုပ်ဆောင်ချက် ထိန်းချုပ်ပင်ဖြစ်ပါတယ်။FL ပင် က 1ဖြစ်မယ်ဆို‌ ဘယ်အချက်ပြမီးလင်းမှာဖြစ်ပြီး 0ဖြစ်မယ်ဆို ဘယ်အချက်ပြမီးလင်းမှာ မဟုတ်ပါဘူး။ ဘယ်အချက်ပြမီး ခြေတစ်စကို အနှုတ်ပုံသေပေးထားပါတယ်။ 4.FR ညာအချက်ပြမီး လုပ်ဆောင်ချက် ထိန်းချုပ်ပင်ဖြစ်ပါတယ်။FR ပင် က 1ဖြစ်မယ်ဆို‌ ညာအချက်ပြမီးလင်းမှာဖြစ်ပြီး 0ဖြစ်မယ်ဆို ညာအချက်ပြမီးလင်းမှာ မဟုတ်ပါဘူး။ ညာအချက်ပြမီး ခြေတစ်စကို အနှုတ်ပုံသေပေးထားပါတယ် ဒီ ထိန်းချုပ်စနစ်မှာ အဝင်အစိတ်အပိုင်းအနေနဲ့ သော့အုံခလုတ် အဝင်နဲ့ ကြိုးမဲ့အဝင် နှစ်မျိုးသာပါရှိပြီး အထွက် အစိတ်အပိုင်းအနေနဲ့ လေးမျိုး ပါရှိတာတွေ့ရပါမယ်။ ကျန်နှစ်ပင် Bat က ဘက်ထရီ အပေါင်းအဝင်ပင်ဖြစ်ပြီး Gnd က ဘက်ထရီ အနှုတ်အဝင်ပင်ဖြစ်ကာ စနစ်အလုပ်လုပ်ဖို့ ဆပ်ပလိုင်းဗို့အားအနေနဲ့ အမြဲပေးထားရမှာ ဖြစ်ပါတယ်။

Saw Eddie

Open In TikTok:

Region: MM

Monday 03 August 2026 10:34:12 GMT